Канон николаю чудотворцу читать на русском. Канон святителю николаю чудотворцу, архиепископу мирликийскому
Это один из самых горячо любимых на Руси святых. За свое милостивое и сострадающее сердце сподобился от Бога многочисленных духовных дарований. Святителю Николаю Чудотворцу молятся путешествующие, о помощи в различных житейских затруднениях, о жизненном устройстве детей, о вступлении в брак, об исцелении в различных недугах.
Святой Николай Чудотворец с избранными апостолом Павлом и преподобным Иоанном". Икона, первая половина XIX века
Глас 2
Песнь 1
Ирмос: Во глубине постла иногда фараонитское всевоинство преоруженная сила, воплощшееся же Слово всезлобный грех потребило есть: препрославленный Господь славно бо прославися.
Припев:
Венценосец престолу Христову, премудре Николае, предстоя со Ангельскими воинствы, просвещение ми даруй, озаряющее души моея омрачение, яко да восхвалю, радуяся, твою, всеблаженне, память.
Прославляяй вся Господь Того славящия, тя верным прибежище даде, напастей избавляюща притекающия к твоему крову, Николае, и призывающия тя верою и любовию, преславне.
Богородичен: Сравнитися желание ми вложив змий вселукавый Содетелю, яко пленника, восхити. Тобою же, Всечистая, воззван бых, обожився истиннейше: Ты бо, о Богомати, мене обожившаго родила еси.
Песнь 3
Ирмос: Процвела есть пустыня, яко крин, Господи, языческая неплодяшая, Церковь пришествием Твоим, в нейже утвердися мое сердце.
Припев: Святителю отче Николае, моли Бога о нас.
Николае блаженне, Владыки искренний ученик ты быв, спасаеши к тебе притекающия от лютых бед и смерти горькия.
Слава Отцу, и Сыну, и Святому Духу.
Очисти рабы Твоя, грехов оставление, яко благ, даруя, Николая, Твоего угодника, яже к Тебе ходатайствы, Многомилостиве.
И ныне и присно, и во веки веков. Аминь.
Богородичен: Утоли смущение души моея, Пречистая, и жизнь окорми, Всесвятая, Бога рождшая, в Немже утвердися сердце мое.
И катавасия: молися Богу о нас, святителю отче Николае, яко мы усердно к тебе прибегаем, скорому помощнику и молитвеннику о душах наших.
Или, ина катавасия: Избави от бед рабы своя, святителю Христов Николае, яко вси по Бозе к тебе прибегаем, к скорому помощнику и теплому заступнику, и молебнику ко Спасу о душах наших.
Поем Господи, помилуй (трижды).
Седален, глас 4:
Возшед на высоту добродетелей, Божественными оттуду отче озарився сиянии чюдес, пресветел воистину явился еси мирови пастырь, нам в напастех сый престатель непобедимь: темже преславно врага победив, лжу отгнал еси и человеки спасл еси от смерти, Николае. Моли Христа Бога, грехов оставление даровати, чтущим любовию святую память твою.
Слава Отцу, и Сыну, и Святому Духу. И ныне и присно, и во веки веков. Аминь.
Богородичен: Яко Деву и Едину в женах Тя без семене рождшую Бога плотию, вси ублажаем роди человечестии: огнь бо вселися в Тя Божества, и яко младенца доиши Зиждителя и Господа. Тем ангельский и человеческий род достойно славим Пресвятое Рожество Твое, и согласно вопием Ти: моли Христа Бога грехов оставление даровати, покланяющымся верою Пресвятому Рождеству Твоему.
Песнь 4
Ирмос: Пришел еси от Девы не ходатай, ни Ангел, но Сам, Господи, воплощся, и спасл еси всего мя, человека. Тем зову Ти: слава силе Твоей, Господи.
Припев: Святителю отче Николае, моли Бога о нас.
Приближився чисте зарям духовным, светоносец был еси, мира просвещая концы, всем предстательствуя и вся спасая верою, к тебе притекающия.
Избавляя от смерти, яко явился еси первее, Николае, юноши, преподобне. Тако и ныне мя спаси от всякаго обстояния, и напастей, и бед, всеблаженне.
Слава Отцу, и Сыну, и Святому Духу.
Облистал еси добродетелей сияньми, всеблаженне, подражатель преизряднейший Твоего Владыки быв, спасаеши же, призываемь, благоговением и любовию тя славящия.
И ныне и присно, и во веки веков. Аминь.
Богородичен: Найде на Тя Владыка твари воплощаемь, и спасая, яко благоутробен, всего мя человека: темже, вернии, Богородицу Тя славим.
Песнь 6
Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим, иного бо, разве Тебе, бога не знаю.
Припев: Святителю отче Николае, моли Бога о нас.
Боголепным житием, треблаженне, просвещаемь, осужденных неправедным изречением умрети, представ, избавил еси, Владыце Христу зовущия: иного бо, разве Тебе, бога не знаем.
Слава Отцу, и Сыну, и Святому Духу.
На Небесех присносущную славу ныне зря, и неизглаголанныя и Божественныя зари светлейшими наслаждаяся сиянии, покрый мя предстательством твоим, преподобне, угодниче Христов всечестне.
И ныне и присно, и во веки веков. Аминь.
Богородичен: Да Твой взыщеши образ, погребенный страстьми, Спасе, Небесных утаився сил, воплощся из Девы, явился еси Тебе зовущим: иного, разве Тебе, бога не знаем.
Песнь 6
Ирмос: В бездне греховней валяяся, неизследную милосердия Твоего призываю бездну: от тли, Боже, мя возведи.
Припев: Святителю отче Николае, моли Бога о нас.
Иже победы, Николае, венец на твоем версе достойно положися, яко победитель убо изряднейший тя призывающия спаси.
Слава Отцу, и Сыну, и Святому Духу.
Умерщвлена мя, блаженне, прегрешеньми и страстей треволненьми погружаема, явився, спаси ко пристанищу Божественныя воли.
И ныне и присно, и во веки веков. Аминь.
Богородичен: На Тя надежды возложих, Мати Приснодево, спасения моего и Тя предстательницу полагаю жизни, тверду же и непоколебиму.
Кондак глас 3
В Мирех, святе, священнодействитель показался еси, Христово бо, преподобне, Евангелие исполнив, положил еси душу твою о людех твоих и спасл еси неповинныя от смерти. Сего ради освятился еси, яко великий таинник Божия благодати.
Икос
Воспоим ныне святителя песньми, мирским людем пастыря и учителя, да молитвами его просветимся: се бо явися чист весь, нетленен духом, Христу принося жертву непорочну, чисту, Богу благоприятну, яко святитель, очищен и душею и телом, темже сый истинно Церкве предстатель и поборник сея, яко великий таинник Божия благодати.
Песнь 7
Ирмос: Образу златому, на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.
Припев: Святителю отче Николае, моли Бога о нас.
Острому искушению впадох, люте пострекаемь, и ко вратом ада приближихся, скорбьми поражаемъ, спаси мя молитвами твоими, блаженне, и возстави, поюща: благословен еси, Боже отец наших.
Слава Отцу, и Сыну, и Святому Духу.
Незаходимаго света невещественными лучами облистаемь, сущия во тьме скорбей озлобленныя исхити и к просвещению веселия настави, поющия: благословен еси, Боже отец наших.
И ныне и присно, и во веки веков. Аминь.
Богородичен: Моли Христа, Сына Твоего и Бога, Дево Богородительнице, проданныя лютыми прегрешеньми и лестьми змииными кровию Его честною избавитися, поющим: благословен еси, Боже отец наших.
Песнь 8
Ирмос: В пещь огненную ко отроком еврейским снизшедшаго и пламень в росу преложшаго Бога пойте, дела, яко Господа и превозносите во вся веки.
Припев: Святителю отче Николае, моли Бога о нас.
Яко благ и сострадателен во глубине напастей люте содержимыя свободи, блаженне Николае, от содержащих лютых, разрешение подая молитвами твоими яже ко Спасу Христу, священнотаинниче.
Слава Отцу, и Сыну, и Святому Духу.
Тайновождь сущих паче ума, святых служитель и Небесных сый, Богомудре, архиерей же верен, прегрешений оставления проси от Спаса нашего, священноявленне.
И ныне и присно, и во веки веков. Аминь.
Богородичен: Изнемогает мой ныне ум, во глубину впад безчестия, яко отвсюду различными объят есмь злыми; но Ты, Дево, исцели, безстрастия светом одевающи.
Песнь 9
Ирмос: Безначальна Родителя Сын, Бог и Господь, воплощся от Девы, нам явися, омраченная просветити, собрати расточенная. Тем Всепетую Богородицу величаем.
Припев: Святителю отче Николае, моли Бога о нас.
Свещами благодати, Богомудре, просвещаемь, и светильник благочестия яве был еси, сущия в напастех спасаеши, и сущия во глубине морстей избавляеши, и питаеши алчущия преславно, всеблаженне.
Слава Отцу, и Сыну, и Святому Духу.
Иже в рай сладости ныне водворяяся и неизреченную славу ясно зря, от Небесных круг певцы твоя назираеши, от страстей избавляя, Богоносе всеблаженне.
И ныне и присно, и во веки веков. Аминь.
Богородичен: Премудрость, и Силу, и Слово Ипостасное Отчее, Богомати Чистая, родила еси, от Твоих пречистых кровей свой храм приимшую и Сему по соединению соединившую нераздельно.
Светилен
Великаго архипастыря и иерарха вси, председателя Мирликийскаго Николая восхвалим: многи бо мужи спасе, неправедно умрети имущия, и царю является со Авлавием во сне, реша неправедный суд.
Канон святителю Николаю, глас 2-й.
Песнь 1
Ирмос: Во глубине постла иногда фараонистское всевоинство преоруженная сила, воплощшееся же Слово всезлобный грех потребило есть: Препрославленный Господь, славно бо прославися.
Припев:Святителю отче Николае, моли Бога о нас.
Венценосец престолу Христову, премудре Николае, предстоя со Ангельскими воинствы, просвещение ми даруй, озаряющее души моея омрачение, яко да восхвалю радуяся твою всеблаженне память.
Слава, И ныне: Сравнитися желание ми вложив змий вселукавый, Содетелю, яко пленника восхити, Тобою же Всечистая, воззван бых, обожився истиннейше: Ты бо, о Богомати, мене Обожившаго родила еси.
Песнь 3
Ирмос: Процвела есть пустыня яко крин, Господи, языческая неплодящая церковь, пришествием Твоим, в нейже утвердися мое сердце.
Николае блаженне, Владыки искренний ученик ты быв, спасаеши к тебе притекающия от лютых бед и смерти горькия.
Слава: Очисти рабы Твоя, грехов оставление яко Благ даруя, Николаа Твоего угодника, яже к Тебе ходатайствы, Многомилостиве.
И ныне: Утоли смущение души моея, Пречистая, и жизнь окорми, Всесвятая, Бога Рождшая, в Немже утвердися сердце мое.
И катавасия: Моли Бога о нас, святителю отче Николае, яко мы усердно к тебе прибегаем, скорому помощнику и молитвеннику о душах наших.
(Или, ина катавасия: Избави от бед рабы своя, святителю Христов Николае, яко вси по Бозе к тебе прибегаем, к скорому помощнику и теплому заступнику, и молебнику ко Спасу о душах наших.)
Посем Господи, помилуй,трижды.
Седален, глас 4:
Возшед на высоту добродетелей, Божественными оттуду отче озарився сиянии чюдес, пресветел воистину явился еси мирови пастырь, нам в напастех сый престатель непобедимь: темже преславно врага победив, лжу отгнал еси и человеки спасл еси от смерти, Николае. Моли Христа Бога, грехов оставление даровати, чтущим любовию святую память твою.
Слава, и ныне.
Яко Деву и Едину в женах Тя без семене рождшую Бога плотию, вси ублажаем роди человечестии: огнь бо вселися в Тя Божества, и яко младенца доиши Зиждителя и Господа. Тем ангельский и человеческий род достойно славим Пресвятое Рожество Твое, и согласно вопием Ти: моли Христа Бога грехов оставление даровати, покланяющымся верою Пресвятому Рождеству Твоему.
Песнь 4
Ирмос: Пришел еси от Девы, не ходатай, ни ангел, но Сам, Господи, воплощься, и спасл еси всего мя человека, тем зову Ти: слава силе Твоей, Господи.
Приближився чисте зарям духовным, светоносец был еси, мира просвещая концы, всем предстательствуя, и вся спасая верою к тебе притекающия.
Избавляя от смерти, яко явился еси первее Николае, юноши преподобне: тако и ныне мя спаси от всякаго обстояния, и напастей и бед, всеблаженне.
Слава: Облистал еси добродетелей сияньми всеблаженне, подражатель всеизряднейший твоего Владыки быв, спасаеши же призываемь, благоговением и любовию тя славящия.
И ныне: Найде на Тя Владыка твари Воплощаемь, и спасая яко Благоутробен всего мя человека: темже вернии Богородицу Тя славим.
Песнь 5
Ирмос: Просвещение во тьме лежащих, спасение отчаянных, Христе, Спасе мой, к Тебе утренюю, Царю мира, просвети мя сиянием Твоим: иного бо разве Тебе Бога не знаю.
Боголепным житием, треблаженне, просвещаемь, осужденныя неправедным изречением умрети, представ, избавил еси, Владыце Христу зовущия: иного бо разве Тебе Бога не знаем.
Слава: На Небесех присносущную славу ныне зря, и неизглаголанныя и Божественныя зари светлейшими наслаждаяся сиянии, покрый мя предстательством твоим, преподобне, угодниче Христов всечестне.
И ныне: Да Твой взыщеши образ, погребенный страстьми, Спасе, небесных утаився сил, воплощься из Девы, явился еси Тебе зовущим: иного разве Тебе Бога не знаем.
Песнь 6
Ирмос: В бездне греховней валяяся, неизследную милосердия Твоего призываю бездну, от тли, Боже, мя возведи.
Иже победы Николае, венец на твоем версе достойно положися: яко победитель убо изряднейший, тя призывающия спаси.
Слава: Умерщвленна мя, блаженне, прегрешеньми, и страстей треволненьми погружаема, явився спаси ко пристанищу Божественыя воли.
И ныне: На Тя надежды возложих Мати Приснодево, спасения моего, и Тя Предстательницу полагаю жизни, тверду же и непоколебиму.
Катавасия: Моли Бога о нас, святителю отче Николае, яко мы усердно к тебе прибегаем, скорому помощнику и молитвеннику о душах наших.
(Или, ина: Избави от бед рабы своя, святителю Христов Николае, яко вси по Бозе к тебе прибегаем, к скорому помощнику и теплому заступнику, и молебнику ко Спасу о душах наших.)
И поем Господи, помилуй, якоже и по 3-ей песни.
Слава, и ныне:
Кондак, глас 3.
В Мирех святе священнодействователь показался еси, Христово бо преподобне Евангелие исполнив, положил еси душу твою о людех твоих, и спасл еси неповинныя от смерти. Сего ради освятился еси, яко великий таинник Божия благодати. Воспоим ныне святителя песньми, Мирским людем пастыря и учителя, да молитвами его просветимся: се бо явися чист весь, нетленен духом, Христу принося жертву непорочну, чисту, Богу благоприятну: яко святитель очищен и душею и телом, темже сый истинно Церкве предстатель и поборник Сея, яко великий таинник Божия благодати.
Песнь 7
Ирмос: Образу златому на поле Деире служиму, трие Твои отроцы небрегоша безбожнаго веления, посреде же огня ввержени, орошаеми, пояху: благословен еси, Боже отец наших.
Острому искушению впадох, и люте пострекаемь, и ко вратом ада приближихся, скорбьми поражаемь, спаси мя молитвами твоими, блаженне, и возстави поюща: благословен еси Боже отец наших.
Слава: Незаходимаго света Невещественными лучами облистаемь, сущия во тьме скорбей озлобленныя исхити, и к просвещению веселия настави поющия: благословен еси Боже отец наших.
И ныне: Моли Христа, Сына Твоего и Бога, Дево Богородительнице, проданныя лютыми прегрешеньми и лестьми змииными, Кровию Его честною избавитися поющим: благословен еси Боже отец наших.
Песнь 8
Ирмос: В пещь огненну ко отроком еврейским снизшедшаго, и пламень в росу преложшаго Бога, пойте, дела, яко Господа, и превозносите во вся веки.
Яко благ и сострадателен, во глубине напастей люте содержимыя свободи, блаженне Николае, от содержащих лютых разрешение подая молитвами твоими, яже ко Спасу Христу, священнотаинниче.
Слава: Тайновождь сущих паче ума, святых служитель и Небесных сый богомудре, архиерей же верен, прегрешений оставление проси от Спаса нашего, священноявленне.
И ныне: Изнемогает мой ныне ум, во глубину впад безчестия, яко отвсюду различными объят есмь злыми: но Ты, Дево, исцели, безстрастия светом одевающи.
Песнь 9
Ирмос: Безначальна Родителя Сын, Бог и Господь, воплощься от Девы нам явися, помраченныя просветити, собрати расточенныя, Тем Всепетую Богородицу величаем.
Свещами благодати Богомудре просвещаемь, и светильник благочестия яве был еси, сущия в напастех спасаеши, и сущия во глубине морстей избавляеши, и питаеши алчущия преславно, всеблаженне.
Слава: Иже в раи сладости ныне водворяяся, и неизреченную славу ясно зря, от Небесных круг певцы твоя назираеши, от страстей избавляя, богоносе всеблаженне.
И ныне: Премудрость, и Силу, и Слово Ипостасное Отчее, Богомати Чистая родила еси, от Твоих Пречистых кровей Свой Храм Приимшую, и сему по соединению соединившуюся нераздельно.
Тропари святителю Николаю, Архиепископу Мир Ликийскому
Тропарь, глас 4
Правило веры и образ кротости, воздержания учителя яви тя стаду твоему яже вещей истина: сего ради стяжал еси смирением высокая, нищетою богатая. Отче священноначальниче Николае, моли Христа Бога спастися душам нашым.
Кондак, глас 3
В Мирех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.
Тропарь на рождество святителя Николая Чудотворца
Тропарь, глас 4
Чудное и славное рождество твое, святителю Николае, Церковь днесь православных светло празднует, ибо стоянием ногу твоею яви тя Господь и провозвести быти светильника и учителя миряном, весь мир обогащающа и просвещающа чудесы. Тем вопием ти: моли Христа Бога спастися душам нашим.
Тропарь на перенесение мощей святителя и чудотворца Николая, архиепископа Мир Ликийских
Тропарь, глас 4
Приспе день светлаго торжества, град Барский радуется, и с ним вселенная вся ликовствует песньми и пеньми духовными: днесь бо священное торжество, в пренесение честных и многоцелебных мощей Святителя и Чудотворца Николая, якоже солнце незаходимое возсия светозарными лучами, разгоняя тьму искушений же и бед от вопиющих верно: спасай нас яко предстатель наш, великий Николае.
Кондак, глас 3
Взыдоша, яко звезда, от востока до запада твоя мощи, святителю Николае, море же освятися шествием твоим, и град Барский приемлет тобою благодать: нас бо деля явился еси, чудотворец изящный, предивный и милостивый.
Тропарь на перенесение Великорецкой иконы святителя Николая Чудотворца из Вятки в Москву
Тропарь, глас 3
Яко драгоценное богатство, прииде к нам от Великия реки Вятки в царствующий сей град наш Москву честная икона образа твоего, святителю Николае, и многая убо чудеса в пришествии своем сотвори, болящия исцели и вся человеки удиви. Сего ради повелением самодержца царя списася с нея сия честная икона твоя на просвещение и моление всем людем царска града, юже днесь зрим и покланяемся ей, моляще тя, таинника Христова: моли, святе, о всех нас, даровати нам мир и велию милость.
Тропарь святителю Николаю Чудотворцу перед его иконой, именуемой “Зарайская”
Тропарь, глас 4
Пресветлый храме Святаго Духа, Богомудре отче Николае, благодатию небес освяти души наша, заступи и покрый всечестным твоим омофором, его же приял еси от рук Пречистыя Девы, и просвети нас светом заповедей Христа, от Него бо приял еси глаголы жизни. Моли благость Отца Небеснаго, во еже спастися православно чтущим тя, даруя нам велию милость.
Величание
Величаем тя, святителю отче Николае, и чтем святую память твою: ты бо молиши за нас Христа Бога нашего.
Канон святителю и чудотворцу Николаю, Архиепископу Мир Ликийских (на славянском языке*)
Молитвами святых отец наших, Господи Иисусе Христе Боже наш, помилуй нас. Аминь.
Царю Небесный: Трисвятое. Пресвятая Троице: Слава, и ныне: Отче наш: Господи, помилуй (12). Слава, и ныне: Приидите, поклонимся: (3) Псалом 50.
Тропарь, глас 4
Правило веры и образ кротости, / воздержания учителя / яви тя стаду твоему / Яже вещей Истина. / Сего ради стяжал еси смирением высокая, / нищетою богатая, / отче священноначальниче Николае, / моли Христа Бога, / спастися душам нашим.
Слава, и ныне, Богородичен
Еже от века утаеное / и Ангелом несведомое таинство, / Тобою, Богородице, сущим на земли явися Бог, / в неслитном соединении воплощаем / и, Крест волею нас ради восприим, / имже воскресив первозданнаго, / спасе от смерти души наша.
Песнь 1
Ирмос: Отверзу уста моя, / и наполнятся Духа, / и слово отрыгну Царице Матери, / и явлюся, светло торжествуя, / и воспою, радуяся, Тоя чудеса.
Пастырю добрый Христова стада, радуйся, Николае, / яко миряном отец честен и учитель был еси, / и мне подаждь, радуйся тебе приносити.
Святителю отче Николае, моли Бога о нас.
Роди земнии стецемся, / радуйся приносити святителю, / радость бо приносит вселенней неоскудно.
Слава: Избавльшему три воеводы от убиения неправеднаго вопием ти: / радуйся, Николае, заступниче прибегающим под кров твой.
И ныне: Богородице Дево, радуйся, / радость от Ангела приемшая, / и спаси Тебе величающих.
Песнь 3
Ирмос: Твоя песнословцы, Богородице, / живый и независтный источниче, / лик Себе совокупльшия духовно, утверди, / в Божественней Твоей славе / венцев славы сподоби.
Святителю отче Николае, моли Бога о нас.
Никтоже прибегаяй под кров надежды твоея, отче, тощь от тебе исходит, / но радуйся принося ти, помощь приемлет, Николае, / юже и мне подаждь, всеблаженне.
Святителю отче Николае, моли Бога о нас.
Ангели дивятся твоему, преподобне, теплому заступлению, / человецы же радуются, приемлюще молитвами твоими избавление от напастей бесовских, / темже радуйся, приносим ти, Николае прехвальне.
Слава: Шлем, и оружие непобедимое на диавола ты еси, / христианом же утверждение, и иерархом удобрение, Николае чудне; / радуйся, чудотворче великий, обуреваемым тихое пристанище.
И ныне: Заченши Зиждителя Своего, Богородице, / родила еси Творца всех и Господа, / Того моли избавити нас от напастей; / елика бо хощеши, вся можеши, / яко благая Благаго же Родительница.
Песнь 4
Ирмос: Седяй в славе на Престоле Божества, / во облаце легце, / прииде Иисус Пребожественный, / нетленною дланию, и спасе зовущия: / слава, Христе, силе Твоей.
Святителю отче Николае, моли Бога о нас.
Апостолом равнопрестольне, радуйся, Николае, / яко Ариеву ересь посрамил еси, / и велиарова шатания низложил еси, твоими молитвами; / не престай моля о рабех твоих.
Святителю отче Николае, моли Бога о нас.
Юношу онаго от руки Амиры срацынскаго избавил еси, / родителем же его радость даровал еси, / тем ти с ними и мы радуйся приносим, Николае преподобне.
Слава: Три воеводы от убиения неправеднаго, чудотворче, спасл еси, / явлься во сне царю благочестивому, и запретив ему, / и от них радуйся, приял еси, Николае, / и мене укрепи твоими молитвами.
И ныне: Преблагословенная Богородице, радуйся, / яко еси Царя всех престол, херувимов вышший, / не закосни, моля Своего Сына и Бога нашего, / о чтущих Тя присно, с Николаем блаженным.
Песнь 5
Ирмос: Ужасошася всяческая / о Божественней славе Твоей: / Ты бо, Неискусобрачная Дево, / имела еси во утробе над всеми Бога / и родила еси Безлетнаго Сына, / всем воспевающим Тя / мир подавающая.
Святителю отче Николае, моли Бога о нас.
Апостолов тезоименне, / со Ангелы равностоятелю Престола Владычня неотступне, / Ария безумновавшаго посрамил еси; / сего ради вопием ти, Николае, радуйся, / святителем удобрение и столпе церковный.
Святителю отче Николае, моли Бога о нас.
Руку ми даждь, Николае, помощи, моляся ко Господу, / занеже буря потопляет мя греховная, / и приведи к тихому пристанищу покаяния, отче, твоими молитвами.
Слава: Аще и много беззаконновах, Николае, / но не отступаю надежды покрова твоего, / всегда радуйся, принося ти; / ты мя избави от всякия скорби и беды, / елика бо хощеши, вся можеши.
И ныне: Облаче превышший небес, радуйся, / искапающий нам каплю, Богородице всеблагая, / подаждь от Бога людем нашим победу на варвары, / со иерархом Николаем Того моля.
Песнь 6
Ирмос: Божественное сие и всечестное / совершающе празднество, / Богомудрии, Богоматере, / приидите, руками восплещим, / от Нея рождшагося Бога славим.
Святителю отче Николае, моли Бога о нас.
Друг Христов и вторый Петр, явился еси, отче, радуйся, / яко еси столп церковный и чудесный орган, / Духом Святым чудодействуяй и бряцаяй: / темже, Николае, радуйся приносим ти всегда.
Святителю отче Николае, моли Бога о нас.
Услышав Константин царь благочестивый во сне прещения твоя, со Авлавием епархом, / о мужех онех неправедно имевших погибнути, / вскоре повеле отпустити их, / тебе же радуйся вопияше, Николае.
Слава: Кораблю оному потопающу в мори ты, отче, был еси кормчий, / и мне люте обуреваему от помышлений бесовских, / даждь ядрило благаго разума во уме и в сердце, / яко да всегда радуйся приношу ти, Николае прехвальне.
И ныне: Радуйся, Пречистая Дево, / радуйся, мiру утверждение, / радуйся, яко родила еси Сына, всех Бога, / Того моли, Богородице пренепорочная, / спастися душам нашим.
Песнь 7
Ирмос: Не послужиша твари Богомудрии, / паче Создавшаго, / но огненное прещение мужески поправше, / радовахуся, поюще: / препетый отцев Господь и Бог благословен еси.
Святителю отче Николае, моли Бога о нас.
Святе Николае, святителю Христов / радуйся, ты бо еси радость всем неизглаголанная, / и мне подаждь руку помощи, да глаголю ти: / радуйся, всеблаженне.
Святителю отче Николае, моли Бога о нас.
Егда услышаша воеводы отпущение из темницы повелением твоим, / вземше свещники принесоша ти со свещами, велиим вопиюще гласом: / радуйся, отче преподобне, избавление наше.
Слава: Некогда услышал еси в темнице связанныя, / услыши и мене, Николае, радуйся приносяща ти, / и исхити мя огня геенскаго.
И ныне: Марие Госпоже, Мати Избавителя, / приими мя, кающагося и прибегающаго под кров Твой, / яко да не престая вопию Тебе: / радуйся, Благодатная Богородице Приснодево.
Песнь 8
Ирмос: Отроки благочестивыя в пещи / Рождество Богородично спасло есть, / тогда убо образуемое, / ныне же действуемое, / вселенную всю воздвизает пети Тебе: / Господа пойте дела / и превозносите Его во вся веки.
Святителю отче Николае, моли Бога о нас.
Апостолов сопрестольниче, / со Ангелы служителю Святей Троице, / Николае прехвальне, радуйся, / и мне даруй радость молитвами твоими.
Святителю отче Николае, моли Бога о нас.
Кормчий обуреваемых, Николае, радуйся, / и бурю моих страстей, яже от прилога бесовскаго, утиши, / яко прочее не могу терпети, но вопию: / радуйся, помощниче мой и теплый предстателю.
Слава: О, колика туга обдержит мя от стреляний бесовских, / и язвы терпети ми несть мощно, / пластыря приложити несть врача, / но ты ми приложи пластырь, и елей молитв твоих, Николае, да зову ти: / радуйся, отче преподобне.
И ныне: Купино неопалимая, радуйся, / юже Моисей виде на Синаи, / и лествице, юже Иаков виде, / Преблагословенная Богородице Приснодево.
Песнь 9
Ирмос: Всяк земнородный / да взыграется, Духом просвещаемь, / да торжествует же Безплотных умов естество, / почитающее священное торжество Богоматере, / и да вопиет: / / радуйся, Всеблаженная, / Богородице Чистая Приснодево.
Святителю отче Николае, моли Бога о нас.
Льстиваго стреляния обдержат мя, и стремления греховная, / но надеяся на покров твой, к тебе прибегаю, отче, / яко да отженеши от мене вся лести лукаваго, да зову ти: / радуйся, Николае.
Святителю отче Николае, моли Бога о нас.
Ария безумновавшаго посрамил еси, / пламень же ересей угасил еси, / воеводы в темнице связанныя услышал еси, / и от них радуйся приял еси, / и мы вопием ти, Николае: / радуйся, всеблаженне.
Слава: Агрика онаго услышавый, / и сына его Василия от Амиры восхитивый, / и представивый родителем здрава во един час от срацын, / и мне молящуся, исхити недугущую мою душу, и грехи обложенную, / от огня геенскаго, Николае.
И ныне: Царице, всех Царя рождшая / и носившая Носящаго всю тварь, / спаси мя, величающаго Тя, Пресвятая Владычице.
Молитва святому Николаю
О всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози мне, грешному и унылому, в настоящем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми, окаянному, умоли Господа Бога, всея твари Содетеля, избавити мя воздушных мытарств и вечнаго мучения; да всегда прославляю
Отца, и Сына, и Святаго Духа, и твое милостивное предстательство, ныне и присно и во веки веков, аминь.
Таже: Достойно есть яко воистинну блажити Тя, Богородицу, / Присноблаженную и Пренепорочную и Матерь Бога нашего. / Честнейшую Херувим и славнейшую без сравнения Серафим, / без истления Бога Слова рождшую, сущую Богородицу Тя величаем.
Приходные поклоны.
З а молитв святых отец наших, Господи Исусе Христе, Сыне Божии, помилуй нас. Аминь.
С вятыи Боже, Святыи Крепкии, Святыи Безсмертныи, помилуй нас (трижды, с поклонами) .
С лава Отцу и Сыну и Святому Духу, и ныне и присно и во веки веком, аминь.
П ресвятая Троице, помилуй нас; Господи, очисти грехи наша; Владыко, прости беззакония наша; Святыи, посети и исцели немощи наша, имене Твоего ради.
Г осподи помилуй (трижды). Слава и ныне.
О тче наш, Иже еси на небесех; да святится имя Твое; да приидет царствие Твое; да будет воля Твоя, яко на небеси и на земли; хлеб наш насущныи даждь нам днесь; и остави нам долги наша, яко же и мы оставляем должником нашим; и не введи нас во искушение, но избави нас от лукаваго.
Г осподи помилуй (12 раз). Слава, и ныне.
П риидите, поклонимся Цареви нашему Богу (поклон).
П риидите, поклонимся Христу Цареви и Богу нашему (поклон).
П риидите, поклонимся и припадем к самому Господу Исусу Христу, Цареви и Богу нашему (поклон).
Псалом 142
Г осподи, услыши молитву мою, внуши моление мое во истине Твоей, услыши мя в правде Твоей. И не вниди в суд с рабом Твоим, яко не оправдится пред Тобою всяк живыи. Яко погна враг душу мою, и смирил есть в земли живот мой. Посадил мя есть в темных, яко мертвыя веку и уны во мне дух мой, во мне смутися сердце мое. Помянух дни древния; поучихся во всех делех Твоих и в делех руку Твоею поучахся. Воздех к Тебе руце мои, душа моя яко земля безводная Тебе. Скоро услыши мя Господи, исчезе дух мой. Не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах. Скажи мне Господи, путь вонь же пойду, яко к Тебе взях душу мою. Изми мя от враг моих Господи, к Тебе прибегох. Научи мя творити волю Твою, яко Ты еси Бог мой. Дух Твой благии наставит мя на землю праву. Имене Твоего ради Господи, живиши мя, правдою Твоею изведеши от печали душу мою. И милостию Твоею потребиши враги моя, и погубиши вся стужающия души моей, яко аз раб Твой есмь.
Слава, и ныне. А ллилуия, Аллилуия, слава Тебе, Боже (трижды, с поклонами).
Г осподи помилуй (12) . Слава, и ныне.
Б ог Господь и явися нам, благословен грядыи во имя Господне.
И споведайтеся Господеви, яко Благ, яко в век милость Его.
О бышедше обыдоша мя и именем Господним противляхся им.
Н е умру, но жив буду и повем дела Господня.
К амень, Его же не брегоша зиждущии, Сей бысть во главу углу, от Господа бысть Сей и есть дивна во очию нашею (и по коемждо стисе глаголем: Бог Господь) .
Посем тропарь, глас 4-й: П равило вере и образ кротости, воздержанию учителя яви тя Господь стаду Своему, яже вещем истина. Сего ради стяжав смирением высокая, нищетою богатая, отче наш святителю Николае, моли Христа Бога, спастися душам нашим. (дважды)
Слава, и ныне, богородичен сей, глас 4-й: И же от века утаенное, и Ангелом несведомое таинство, Тобою, Богородице, земным явися Бог, в неразмесне снятии воплощаем, и Крест волею нас ради восприим, имже воскресив первозданнаго, и спасе от смерти душа наша.
Псалом 50. П омилуй мя, Боже.
Г
осподи Исусе Христе, Сыне Божии, помилуй нас. Аминь.
Канон святителю Николе, глас 2-й
Песнь 1. Ирмос
В о глубине потопи древле фараонистская вся воинства преоружену силу, воплощьжеся Слово преспеющия грехи потребил есть. Преславныи Господь, яко прославися.
Запев: С вятителю Христов Николае, моли Бога о нас. (Поклон)
В енценосец Престолу Христову, премудре Николае, предстоя со ангельскими чинми, просвещение ми даруй, озаряющее души моея омрачение, яко да восхвалю радуяся твою преблаженне память.
Запев. Повторяем стих.
С лава Отцу и Сыну и Святому Духу. П рославляяи вся Господь, иже Того славящия, тя верным прибежище дал есть, напастей и бед избавляюща, притекающия к твоему крову, Николае, и призывающия тя верою и любовию, преславне.
И ныне и присно и во веки веком. Аминь. Богородичен: И зравнитися желание ми вложь, змий вселукавыи, Содетелю, яко пленника восхити, Тобою же Пречистая, призван бых, обожився истинно. Ты бо, о Богомати, иже мене обожившаго родила еси.
Катавасия: И збави от бед рабы своя, святителю Христов Николае, яко все по Бозе к тебе прибегаем, к скорому помощнику и теплому заступнику, и молебнику ко Спасу о душах наших. (поклон).
Г
осподи, помилуй. (трижды с поклонами).
Сия глаголем по коейждо песни.
Песнь 3. Ирмос
П роцвела есть пустыня яко крин, Господи, язычная неплодящая церкви, пришествием Ти, о ней же утвердися сердце мое.
Запев. Н иколае блаженне, Владыки искренний ученик ты быв, спасаеши к тебе притекающия от лютых бед и смерти горькия.
Запев. Повторяем стих.
Слава. О чисти рабы Своя, и грехов оставление яко Благ даруй, Николы Твоего угодника, иже к Тебе ходатайствы, Многомилостиве.
И ныне. Богородичен. У стави смущение души моея, Пречистая, и жизнь окорми, Пресвятая, Бога рождьши, о Немже утвердися сердце мое. Катавасия.
Седален, глас 8-й. В озшед на высоту добродетелей, божественными оттуду отче озарися сиянии чюдес, пресветел воистину явися мiрови пастырь, и в напастех сыи престатель непобедим. Тем же преславно врага побеждь, лжу отгнал еси, и человеки спасл еси от смерти, Николае. Моли Христа Бога, грехов оставление даровати, чтущим любовию святую память твою.
Слава, и ныне, Богородичен. Я
ко Деву едину в женах Тя без семене рождьшую Бога плотию, вси блажим родове человечестии. Огнь бо в Тя вселися Божества, и яко младенца доиши Зиждителя и Господа. Тем же ангельскии и человеческии род достойно славим, Пресвятое Рожество Твое, и согласно вопием Ти, моли Христа Бога грехов оставление даровати, воспевающим достойно славу Твою.
Песнь 4. Ирмос
П ришествовав еси от Девы, не ходатай, ни Ангел, но Ты Сам, Господи, воплощься, и спасе всего мя человека. Тем вопию Ти: слава силе Твоей.
Запев. П риближився чисте зарям духовным, светоносец был еси, мiру просвещая концы. Всем предстоя, и вся спасая верою к тебе притекающыя.
Запев. И збавляя юноши от смерти, якоже явился Николае преподобне, тако и ныне мя спаси от всякаго обстояния, и напастей и бед, всеблаженне.
Слава. О блистал еси добродетелей сиянием всебогате, подражатель преизряден своему Владыце быв. Спасаеши же призываемь, иже благоговением и любовию тя славящия.
И ныне. Богородичен. Н
айде на Тя Владыка твари воплощаем, и спасая яко милосерд всего мя человека. Тем же вернии Богородицу Тя славим. Катавасия.
Песнь 5. Ирмос
П росвещение во тьме лежащим, и спасение неначаемым, Христе, Спасе мой, к Тебе утренюю, Царю мирныи, просвети мя сиянием Си, иного бо разве Тебе Бога не знаем.
Запев. Б огоподобным житием, треблаженне, просвещаем, осужденныя неправедным мечем умрети, представ избавил еси, Владыце Христу зовущия, иного разве Тебе Бога не знаем.
Запев. Повторяем стих.
Слава. Н а Небесех присносущную славу ныне зря, неизглаголанныя Божественныя зари, пресветлыми наслаждаяся сиянии. Покрый мя предстанием си, преподобне, угодниче Христов всечестне.
И ныне. Богородичен. Д
а Свой взыщеши образ, погребенныи страстьми, Спасе, небесных утаився существ, воплощься от Девы. Явился еси Тебе зовущим, иного разве Тебе Бога не знаем. Катавасия.
Песнь 6. Ирмос
В бездне греховней одержимь, неизследную милосердия Твоего призываю бездну, от тли, Боже, мя возведи.
Запев. И же победы Николае венец, на твоем версе достойно положися, яко победитель убо изряден, тя призывающыя спаси.
Запев. Повторяем стих.
Слава. У мерщвена мя, блаженне, согрешении, и страстными треволнении погружаема, явивлься спаси, направляя ко пристанищу Божественыя воли.
И ныне. Богородичен. Н а Тя упование возложих, Мати присно Дево, спасения моего, и Тя предстательницу положих животу тверду и непоколебиму. Катавасия.
Слава, и ныне. Кондак, глас 3. В Мирех святе Николае святитель быв, Христово бо преподобне Евангелие исполни, положил еси душу свою за люди своя, и спасл еси неповинныя от смерти. Сего ради освятися, и явися велии таинник Божия благодати.
Икос. В
оспоем ныне святителя песньми, мvрским людем пастыря и учителя, да молитвами его просветимся. Сей бо явися чист весь, нетленен духом, Христови принося жертву непорочну, чисту и благоприятну, яко святитель очищен душею и телом, и истинен Церкви предстатель и поборник, и велии таинник Божия благодати.
Песнь 7. Ирмос
О теле злате на поле деире служимем, трие отроцы нерадиша о безбожнем велении. Но посреде огня ввержени, прохлаждаеми пояху: благословен Бог отец наших.
Запев. О стрым искушением пресекаемь есмь, и люте пострекаемь, и ко вратом ада приближихся, нечаянием поражаемь. Спаси мя молитвами си, блаженне, и воздвигни пети: благословен Бог отец наших.
Запев. Повторяем стих.
Слава. Н езаходимаго света Невеществеными лучами облистаемь, сущия во тьме скорбей и озлоблений исхити, и к посещению веселия настави поющыя: благословен Бог отец наших.
И ныне. Богородичен. М
оли Своего Сына и Господа, Дево Чистая, проданныя лютыми согрешеньми и лестьми змииными, Кровию Его Честною избавити поющыя: благословен Бог отец наших. Катавасия.
Песнь 8. Ирмос
В пещь огненну к детем еврейским сошедшаго, и пламень на хлад преложьшаго Бога, пойте вся дела Господа, и превозносите Его во веки.
Запев. Я ко благ и милосерд, иже во глубине напастей люте содержими вопием, свободи блаженне Николае, разрешение подая молитвами си, иже ко Спасу Христу, священнотаинниче.
Запев. Повторяем стих.
Слава. Т аинник иже паче ума святым, и служитель Небесным сыи богомудре, архиерей же верен, согрешении оставления проси от Спаса нашего, священноявленне.
И ныне. Богородичен. И
знемогает ми ныне ум, во глубину впадшу нечестия, яко от всюду различными объят есмь злыми. Но Ты, Дево, исцели, безстрастия светом одевающи. Катавасия.
Песнь 9. Ирмос
Б езначална Родителя Сын, Бог и Господь, воплощься от Девицы нам явися, омраченыя просветити, и собрати расточеныя, тем Всехвалную Богородицу величаем.
Запев с поклоном. С вещею благодати богомудре просвещаемь, и светильник благочестия яве быв, сущия в напастех спасаеши, и иже во глубине морстей избавляеши, и питаеши алчущыя преславно, всеблаженне.
Запев. Повторяем стих.
Слава. И же в раи пищи ныне водворяяся, неизреченную славу ясно зря, от Небесных круг певцы своя назираеши, от страстей избавляя, богоносе преславне.
И ныне. Богородичен. П ремудрость, и Сила, и Слово составное Отцу, Дево Чистая, Егоже зачала еси, от Своих Пречистых кровей, Богомати. Живыи Храм прием, и Сей по совокуплению себе соединив нераздельно.
Аще есть великий праздник, задостойник празднику. Аще ни, сей, на глас 8: В ладычице, приими молитву раб Своих и избави нас от всякия нужды и печали. Ты еси Богородице оружие наше и стена. Ты еси Заступнице, и к Тебе прибегаем, Тя и ныне на молитву призываем, да избавиши ны от враг наших, возвеличим Тя вси, Пренепорочную Матерь Христа Бога нашего, Юже осени Дух Пресвятыи (поклон до земли) .
Посем, Т рисвятое и по О тче наш. Исусова молитва. А минь.
Тропарь святителю: П равило вере.
Слава, кондак: В Мирех святе Николае.
И ныне, богородичен: И же от века утаенное.
Посем, Г осподи помилуй (40) . Слава, и ныне. Ч естнейшую херувим и славнейшую воистину серафим, без истления Бога Слова рождьшую, сущую Богородицу Тя величаем.
Слава, и ныне. Г осподи помилуй (дважды) , Господи благослови (с поклонами) .
И отпуст: Г осподи Исусе Христе, Сыне Божии, молитв ради Пречистыя Твоея Матере, и иже во святых отца нашего Николы архиепископа Мир-Ликийских чудотворца, и всех ради святых, помилуй и спаси нас, яко Благ и Человеколюбец. А минь.
Канон святителю Николаю
КАНОН СВЯТИТЕЛЮ И ЧУДОТВОРЦУ НИКОЛАЮ
Тропарь
Правилом веры и образом кротости, воздержания учителем явила тебя стаду твоему непреложная Истина. Потому ты приобрел смирением - высокое, нищетою - богатство. Отче священноначальник Николай, моли Христа Бога о спасении душ наших.
Кондак
В Мирах свято священнодействовав и Христово Евангелие исполнив, преподобный, положил ты душу твою за ближних твоих и спас неповинных от смерти. За это во святых прославлен ты как великий причастник Божией благодати.
Песнь 1
Ирмос: Отверзу уста мои, и они наполнятся Духом; и слово изреку Царице Матери, и явлюсь светло торжествующим, и воспою радостно Её чудеса.
Пастырь добрый Христова стада, радуйся, Николай, ибо гражданам Мир Ликийских отцом многочтимым и учителем ты был; и мне позволь приветствие «радуйся!» тебе приносить.
Племена земные, соберёмся, чтобы возглас «радуйся!» приносить святителю: ибо он приносит радость вселенной неоскудевающую.
Слава: Тебе, избавившему трёх воевод от убиения неправедного, мы взываем: «Радуйся, Николай, заступник прибегающим под покровительство твоё!»
И ныне: Богородица Дева, радуйся, радость от Ангела принявшая, и спаси Тебя величающих.
Песнь 3
Ирмос: Богородица, Ты – живоносный и обильный источник; Твоих певцов, собравшихся духовно, утверди и в божественной Твоей славе удостой венцов славы.
Святитель отче Николай, моли Бога о нас.
Никто, прибегающий под покров надежды на тебя, не уходит от тебя ни с чем, но возглас «радуйся» принося тебе, помощь получает, отче Николай; её и мне подай, всеблаженный.
Ангелы дивятся, преподобный, твоему тёплому заступничеству, люди же радуются, получая по твоим молитвам избавление от напастей бесовских; поэтому возглас «радуйся» мы приносим тебе, Николай прехвальный!
Слава: Ты – шлем и оружие непобедимое против диавола, христианам же – утверждение, и иерархам – украшение, Николай чудный. Радуйся, чудотворец великий, в бурях бедствующим тихое пристанище.
И ныне: Зачав Создателя Своего, Богородица, Ты родила всех Творца и Господа; Его моли об избавлении нас от напастей; ведь всё, что хочешь, можешь, как благая и Благого Родительница.
Песнь 4
Ирмос: Сидящий в славе на престоле Божества, на облаке лёгком, пришел Иисус божественнейший и спас взывающих: «Слава, Христос, силе Твоей!»
Святитель отче Николай, моли Бога о нас.
Апостолам сопрестольный, радуйся, Николай, ибо ты Ария ересь посрамил и надменность велиара низложил твоими молитвами; не переставай молиться о рабах твоих.
Юношу из рук эмира сарацинского ты избавил и родителям его радость даровал, потому и мы с ними тебе возглас «радуйся» приносим, Николай преподобный.
Слава: Трёх воевод от убиения неправедного спас ты, чудотворец, явившись во сне царю благочестивому и запретив ему, и от них принял возглас «радуйся». И меня укрепи, Николай, твоими молитвами.
И ныне: Преблагословенная Богородица, радуйся, ибо Ты – престол всех Царя, Херувимов высший. Не замедли, моля Своего Сына и Бога нашего о чтущих Тебя всегда, с Николаем блаженным.
Песнь 5
Ирмос: Изумился весь мир о божественной славе Твоей: ибо Ты, брака не познавшая Дева, носила во чреве Твоём Всевышнего Бога и родила вечного Сына, всем воспевающим Тебя мир подая.
Святитель отче Николай, моли Бога о нас.
Апостолам соименный, с Ангелами наравне стоящий у престола Владыки неотступно, Ария безумствовавшего ты посрамил; поэтому, Николай, мы возглашаем тебе: «Радуйся, святителям украшение и столп церковный!»
Руку помощи подай мне, Николай, молясь ко Господу, ибо буря греха потопляет меня, и приведи к тихой пристани покаяния твоими, отче, молитвами.
Слава: Хотя я и много беззаконий сотворил, но не отступаю от надежды на покров твой, отче Николай, всегда возглас «радуйся» принося тебе; ты же меня избавь от всякой скорби и беды: ведь всё, что хочешь, и соделать можешь.
И ныне: Радуйся, Облако, превысшее небес, источившее нам Дождь живительный, Богородица всеблагая! Подай нам от Бога победу над духовными варварами, со иерархом Николаем Его моля.
Песнь 6
Ирмос: Божественный сей и всеми чтимый совершая праздник Богоматери, придите, богомудрые, руками восплещем, от Неё рождённого Бога славя.
Святитель отче Николай, моли Бога о нас.
Другом Христовым и вторым Петром явился ты, отче. Радуйся, ибо ты столп Церкви, Духом Святым чудодействующий. Поэтому мы, отче Николай, возглас «радуйся» приносим тебе всегда.
Услышал царь благочестивый Константин со Авлавием епархом во сне угрозы твои о тех мужах, что должны были неправедно погибнуть, и повелел их скорее отпустить, тебе же, отче Николай, возглашал: радуйся!
Слава: Кораблю, тонущему в море, ты был, отче, кормчим; и мне, тяжко обуреваемому помышлениями бесовскими, дай кормило благого рассуждения в уме и сердце, чтобы я всегда возглас «радуйся» приносил тебе, отче Николай прехвальный.
И ныне: Радуйся, Пречистая Дева, радуйся, миру утверждение, радуйся, ибо родила Ты Сына, всех Бога! Его моли, Богородица пренепорочная, о спасении душ наших.
Песнь 7
Ирмос: Не почтили богомудрые творение больше Творца, но угрожавший им огонь мужественно поправ, радостно воспевали: «Прехвальный Господь и Бог отцов, Ты благословен!»
Святитель отче Николай, моли Бога о нас.
Святой Николай, святитель Христов, радуйся: ибо ты для всех радость неизреченная! И мне подай руку помощи, чтобы я возглашал тебе: «Радуйся, всеблаженный!»
Когда услышали воеводы, что отпущены из темницы по твоему повелению, взяв светильники со свечами, принесли тебе, громким голосом взывая: «Радуйся, отче преподобный, избавление наше!»
Слава: Некогда услышал ты в темнице узников; услышь и меня, отче Николай, возглас «радуйся» тебе приносящего, и исторгни меня из огня геенны.
И ныне: Мария Госпожа, Матерь Искупителя, прими меня, кающегося и прибегающего под покров Твой, чтобы я непрестанно взывал Тебе: «Радуйся, Благодатная Богородица, Приснодева!»
Песнь 8
Ирмос: Отроков благочестивых в печи Рождённый Богородицей спас: тогда – прообразовательно, а ныне – действительно всю вселенную призывает Он петь Тебе. Пойте Господа, творения, и превозносите во все века!
Святитель отче Николай, моли Бога о нас.
Апостолам сопрестольный, со Ангелами служащий Святой Троице, Николай прехвальный, радуйся, и мне даруй радость молитвами твоими.
Кормчий носимых бурей, радуйся, отче Николай, и бурю моих страстей, от нападения бесовского восставших, успокой, ибо больше не могу терпеть, но взываю: «Радуйся, помощник мой и тёплый покровитель».
Слава: О, сколь великая скорбь охватывает меня от стрел бесовских, и раны терпеть мне невозможно, наложить же повязку – нет врача; но ты, отче Николай, исцели мои раны елеем молитв твоих, чтобы я взывал тебе: «Радуйся, отче преподобный!»
И ныне: Радуйся, Куст терновый неопалимый, который Моисей видел на Синае, и Лестница, которую Иаков созерцал, - Преблагословенная Богородица Приснодева!
Песнь 9
Ирмос: Всякий на земле рождённый да ликует, Духом просвещаясь; да торжествует и бесплотных Умов естество, почитая священное торжество Богоматери, и да взывает: «Радуйся, Всеблаженная, Богородица чистая, Приснодева!»
Святитель отче Николай, моли Бога о нас.
Окружают меня козни обольстителя и стремления греховные, но, надеясь на покров твой, к тебе прибегаю, отче, чтобы ты отогнал от меня все обольщения лукавого, и я взывал тебе: «Радуйся, отче Николай!»
Ария безумствовавшего ты посрамил и пламя ересей угасил; воевод, в темнице связанных, услышал и приветствие «радуйся» принял от них; и мы взываем тебе, отче Николай: «Радуйся, всеблаженный!»
Слава: Агрика услышал ты, и сына его Василия восхитил от эмира, от сарацинов, и в один миг поставил перед родителями здоровым; и по моей молитве мою душу, больную и грехами отягчённую, исторгни из огня геенны, отче Николай.
И ныне: Царица, всех Царя родившая и носившая Носящего всё творение, спаси меня, величающего Тебя, Пресвятая Владычица!
Молитва святому Николаю
О всесвятой Николай, преславный служитель Господень, тёплый наш заступник и везде в скорбях скорый помощник! Помоги мне, грешному и унывающему: в нынешней жизни умоли Господа Бога даровать мне отпущение всех моих грехов, сколько согрешил я от юности моей во всей жизни моей делом, словом, помышлением и всеми моими чувствами; и при исходе души моей помоги мне, окаянному, умоли Господа Бога, всего творения Создателя, избавить меня от воздушных мытарств и вечного мучения, дабы я постоянно прославлял Отца, и Сына, и Святого Духа, и твоё милостивое предстательство, ныне и всегда и во веки веков, аминь.
Молитва вторая
О всеблагой отче Николай, пастырь и учитель всех, с верою прибегающих к твоему заступничеству и в горячей молитве тебя призывающих! Скоро поспеши и избавь Христово стадо от волков, губящих его; и всякую страну христианскую огради и сохрани святыми твоими молитвами от мятежей, нашествия иноплеменников и междоусобной войны, от голода, землетрясения, наводнения, пожаров и болезней. И как ты помиловал трёх мужей, в темнице сидевших, и избавил их от царского гнева и усечения мечом, так помилуй и меня, умом, словом и делом во тьме грехов пребывающего, и избавь меня от гнева Божия и вечной казни, чтобы твоим ходатайством и помощью, Своим же милосердием и благодатию Христос Бог тихую и безгрешную жизнь дал мне прожить в веке сём и на Страшном суде Своём избавил меня от участи стоящих слева и сподобил стать справа со всеми святыми, аминь.
Молитва третья
О, всехвальный и великий чудотворец, святитель Христов, отче Николай! Молим тебя, будь надеждой всех христиан: гонимых защитник, голодных кормитель, плачущих веселие, больных врач, путеществующих, по морю плавающих и по воздуху летающих управитель, убогих и сирых питатель и всех скорбных помощник и покровитель. Умоли милостивого Бога, да подаст нам прощение грехов наших, чтобы мы мирно прожили жизнь и сподобились видеть славу неприступного Бога, Отца, и Сына, и Святого Духа, ныне и всегда и во веки веков, аминь.
Акафист святителю Николаю Кондак 1Славный чудотворец и избранный служитель Христов, миру всему источающий многоценное милости миро и неисчерпаемое чудес море! Восхваляю тебя с любовью, святитель Николай; ты же, имея дерзновение ко Господу, от всяких меня бед освободи, да
Канон Святителю и Чудотворцу Николаю По молитвам святых отцов наших, Господи Иисусе Христе Боже наш, помилуй нас.Царь Небесный:Трисвятое.Слава, И ныне.Пресвятая Троица.Господи, помилуй. (Трижды)Слава, И ныне.Отче наш.Господи, помилуй. (12 раз)Слава, И ныне.Придите, поклонимся:
Акафист святителю Николаю Кондак 1Обороняющий нас чудотворец и избранный служитель Христов, всему мiру источающий многоценное милости мvро и чудес неисчерпаемое море! Восхваляю тебя с любовью, святитель Николай; ты же, как имеющий дерзновение к Господу, от всяких бед меня
Тропарь и молитва святителю Николаю Тропарь, глас 4 Пра?вило ве?ры и о?браз кро?тости, воздержа?ния учи?теля яви? тя ста?ду твоему?, я?же веще?й и?стина: сего? ра?ди стяжа?л еси? смире?нием высо?кая, нището?ю бога?тая, о?тче священнонача?льниче Нико?лае, моли? Христа? Бо?га спасти?ся
«Мы все молились святителю Николаю Чудотворцу» У меня было две истории, связанные со святителем Николаем. Первая, когда мы с мужем опаздывали на поезд. Мы ехали из Дзержинского в Москву на поезд в Белоруссию. Вышли за час-полтора. При нормальном течении событий все бы
Акафист святителю и чудотворцу Николаю Кондак 1 Возбранный Чудотворче и изрядный угодниче Христов, миру всему источаяй многоценное милости миро и неисчерпаемое чудес море, восхваляю тя любовию, святителю Николае; ты же, яко имеяй дерзновение ко Господу, от всяких мя бедСвятителю Николаю Чудотворцу 6(19) декабряО, всесвятый Николае, угодниче преизрядный Господень, теплый наш заступниче и везде в скорбех скорый помощниче!Помози ми, грешному и унылому, в настоящем сем житии, умоли Господа Бога даровати ми оставление всех моих грехов, елико
Святителю Николаю Угоднику Молитва первая О, добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и
Святителю Николаю, архиепископу Мирликийскому Молитва первая, о помощи в бедности и нужде О, добрый наш пастырю и Богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных,
Молитва святителю Николаю Угоднику День памяти 6/19 декабря, 9/22 маяНиколай Угодник, называемый также Чудотворцем, архиепископ Мир Ликийских, жил в III веке. Изучать Священное писание и вести богоугодную жизнь святитель начал с раннего детства.Получив после смерти родителей
Святителю Николаю Мирликийскому, Чудотворцу МолитваО, всехвальный и всечестный архиерею, великий чудотворче, святителю Христов, отче Николае, человече Божий, и верный рабе, мужу желаний, сосуде избранныи, крепкий столпе церковный, светильниче пресветлый, звездо
Акафист святителю Николаю Никола Хлебный Как войдешь в храм - справа, на стене, образ Николая Чудотворца. Лика почти не различить - буровато-коричневой темнотою запеклись краски! - но глаза, добрые и живые, смотрят прямо на тебя…И меня сразу потянуло к этому образу.
