Тропарь воскресный глас 5. Православные тропари по гласам
В субботу на велицей вечерни.
На Господи, воззвах, поставим стихов 10, и поем стихиры воскресны, глас 5:
Стих: Изведи из темницы, исповедатися Имене Твоему.
Честным Твоим Крестом, Христе, диавола посрамил еси, и Воскресением Твоим жало греховное притупил еси, и спасл еси ны от врат смертных: славим Тя, Единородне.
Стих: Мене ждут праведницы, дондеже воздаси мне.
Воскресение даяй роду человеческому, яко овча на заколение ведеся, устрашишася сего князи адстии, и взяшася врата плачевная. Вниде бо Царь славы Христос, глаголя сущым во узах, изыдите: и сущым во тьме, открыйтеся.
Стих: Из глубины воззвах к Тебе, Господи, Господи, услыши глас мой.
Велие чудо, невидимых Содетель, за человеколюбие плотию пострадав, воскресе Безсмертный, приидите отечествия язык, Тому поклонимся: благоутробием бо Его от прелести избавльшеся, в Триех Vпостасех Единаго Бога пети навыкохом.
Ины стихиры Анатолиевы, глас тойже.
Стих: Да будут уши Твои внемлюще гласу моления моего.
Вечернее поклонение приносим Тебе, Невечернему Свету, на конец веков, яко в зерцале плотию возсиявшему мiрови, и даже до ада низшедшему, и тамо сущую тьму разрушившему, и свет Воскресения языком показавшему: Светодавче Господи, слава Тебе.
Стих: Аще беззакония назриши, Господи, Господи, кто постоит; яко у Тебе очищение есть.
Начальника спасения нашего, Христа славословим: Тому бо из мертвых воскресшу, мiр от прелести спасен бысть. Радуется мiр Ангельский, бегает демон прелесть, Адам падый воста, диавол упразднися.
Стих: Имене ради Твоего потерпех Тя, Господи, потерпе душа моя в слово Твое, упова душа моя на Господа.
Иже от кустодии научени бываху от беззаконников, покрыйте Христово Востание, и приимите сребренники, и рцыте яко нам спящым, из гроба украден бысть Мертвый. Кто виде, кто слыша, мертвеца украдена когда, паче же помазана и нага, оставльша и во гробе погребальная Своя? Не прельщайтеся, иудее, навыкните речем пророческим, и уразумейте, яко Той есть воистинну Избавитель мiра, и Всесильный.
Стих: От стражи утренния до нощи, от стражи утренния, да уповает Израиль на Господа.
Господи, ад пленивый, и смерть поправый Спасе наш, просветивый мiр Крестом честным, помилуй нас.
Ины стихиры, Богородице, Павла Аморрейскаго, глас 5.
Подобен: Радуйся:
Стих: Яко у Господа милость и многое у Него избавление, и Той избавит Израиля от всех беззаконий его.
Престол Херувимский воистинну, яко Превышшы тварей бывши: в Тебе бо Божие Слово, наш зрак наздати хотя, вселися, и прошед с плотию из Тебе, Всечистая: Крестную же страсть нас ради восприят, и Воскресение яко Бог дарова изменшемуся нашему осужденному естеству, тем, яко Содетелю, Сыну Твоему молимся, Богомати, улучити прощение и милость в час судный.
Стих: Хвалите Господа, вси языцы, похвалите Его, вси людие.
Что Твою, Богородительнице Чистая, нареку Церковь Богославную? Вертоград Едемский именую, и Ноев, Чистая, ковчег прореку, спасший Богу царское священие, весь свят язык, Христа Бога нашего собор: Моисеову же кивоту уподобляю Тя, в немже очистилище и жезл прозябший, в немже свещник и ручка, кадильница всезлатая, воньже прибегает всяк верный и испрошает велию милость.
Стих: Яко утвердися милость Его на нас, и истина Господня пребывает вовек.
Едина безнадежных Надеждо, безпомощных готовая Помоще, милости Рождшая Волителя Иисуса, мою помилуй ныне немощь, Чистая, и подаждь ми помыслов умиление. Струями слез самых согрешений моих, непобедимую потопи пучину: отжени безмерных моих страстей бурю: и исполни тишины Божественныя смущенное сердце мое, Христа молящи, подати ми согрешений совершенное оставление.
Слава, и ныне, Богородичен: В Чермнем мори Неискусобрачныя Невесты образ написася иногда: тамо Моисей, разделитель воды: зде же Гавриил, служитель чудесе. Тогда глубину шествова немокренно Израиль: ныне же Христа роди безсеменно Дева. Море по прошествии Израилеве пребысть непроходно: Непорочная по Рождестве Эммануилеве пребысть Нетленна. Сый, и прежде Сый, явлейся яко Человек, Боже помилуй нас.
Таже, Свете Тихий: прокимен: Господь воцарися: И прочая по обычаю.
На стиховне стихиры воскресны, глас 5.
Тебе, Воплощеннаго Спаса Христа, и Небес неразлучившася, во гласех пений величаем: яко Крест и смерть приял еси за род наш, яко Человеколюбец Господь, испровергий адова врата, тридневно воскресл еси, спасая душы наша.
Ины стихиры по алфавиту.
Стих: Господь воцарися, в лепоту облечеся.
Прободенным Твоим ребром, Жизнодавче, токи оставления всем источил еси, жизни и спасения: плотию же смерть восприял еси, безсмертие нам даруя: вселив же ся во гроб нас свободил еси, совоскресив с Собою славно яко Бог. Сего ради вопием: Человеколюбче Господи, слава Тебе.
Стих: Ибо утверди вселенную, яже не подвижется.
Странно Твое распятие, и еже во ад сошествие человеколюбно есть: пленив бо его, и древния юзники совоскресив с Собою славно яко Бог, рай отверз, восприяти сего сподобил еси. Темже и нам, славящыя Твое тридневное Востание, даруй очищение грехов: рая жители сподобляя, яко Един Благоутробен.
Стих: Дому Твоему подобает святыня, Господи, в долготу дний.
Нас ради плотию страсть приемый, и тридневен из мертвых воскресый, плотския наша страсти исцели, и возстави от прегрешений лютых, Человеколюбче, и спаси нас.
Слава, и ныне, Богородичен:
Храм и Дверь еси, Палата и Престол Царев, Дево Всечистая, Еюже Избавитель мой, Христос Господь, во тьме спящым явися, Солнце Сый правды, просветити хотя, яже созда по образу Своему рукою Своею. Темже, Всепетая, яко Матерне дерзновение к Нему стяжавшая, непрестанно моли спастися душам нашым.
Таже: Ныне отпущаеши: Трисвятое. По Отче наш:
Тропарь, глас 5.
Собезначальное Слово Отцу и Духови, от Девы Рождшееся на спасение наше, воспоим, вернии, и поклонимся: яко благоволи плотию взыти на Крест, и смерть претерпети, и воскресити умершыя славным Воскресением Своим.
Богородичен: Радуйся, Двере Господня непроходимая: радуйся, Стено и Покрове притекающих к Тебе. Радуйся, Необуреваемое Пристанище, и Неискусобрачная, Рождшая плотию Творца Твоего и Бога: молящи не оскудевай о воспевающых, и кланяющихся Рождеству Твоему.
В неделю на утрени.
По шестопсалмии.
Бог Господь, и явися нам: на глас 5: и глаголем тропарь воскресный: Собезначальное Слово Отцу: дважды. Слава, и ныне, Богородичен: Радуйся Двере Господня Непроходимая: Таже, обычная стихологиа Псалтира.
По 1-м стихословии седальны воскресны, глас 5:
Крест Господень похвалим, погребение Святое песньми почтим, и Воскресение Его препрославим: яко совозстави мертвыя от гроб яко Бог, пленив смерти державу, и крепость диаволю, и сущым во аде свет возсия.
Стих:
Господи мертв нареклся еси, умертвивый смерть, во гробе положился еси, истощивый гробы: горе воини гроба стрежаху, доле от века мертвыя воскресил еси. Всесильне и Непостижиме Господи, слава Тебе.
Слава, и ныне, Богородичен:
Радуйся Святая Горо и Богопроходная, радуйся одушевленная купино и неопалимая. Радуйся Едина к Богу мiрови Мосте, преводяй мертвыя к Вечному Животу. Радуйся Нетленная Отроковице, неискусомужно рождшая спасение душ наших.
По 2-м стихословии седальны воскресны, глас 5:
Господи, по тридневнем Твоем Воскресении, и апостолов поклонении, Петр вопияше Ти: жены дерзновение прияша, аз же убояхся. Разбойник богословяше, аз же отвергохся. Убо призовеши ли мя прочее ученика быти? или паки покажеши мя ловца глубиннаго? но кающася приими мя Боже, и спаси мя.
Стих: Исповемся Тебе Господи, всем сердцем моим, повем вся чудеса Твоя.
Господи, посреде осужденных пригвоздиша Тя беззаконнии, и копием ребро Твое прободоша, О Милостиве! Погребение же приял еси, разрушивый адова врата, и воскресл еси тридневно. Притекоша жены видети Тя, и возвестиша апостолом востание: Превозносимый Спасе, Егоже поют ангели, Благословенный Господи, слава Тебе.
Слава, и ныне, Богородичен:
Неискусобрачная Невесто Богородительнице, Яже Евину печаль радостотворившая, воспеваем вернии и покланяемся Тебе, яко возвела еси нас от древния клятвы: и ныне моли непрестанно, Всепетая, Пресвятая, во еже спастися нам.
Ипакои, глас 5:
Ангельским зраком ум смущающя, и Божественным востанием душею просвещаемы, мvроносицы апостолом благовествоваху: возвестите во языцех Воскресение, Господу содействующу чудесы, подающему нам велию милость.
Степенна, глас 5. Антифон 1.
Ихже стихи повторяюще поем:
Внегда скорбети мне, Давидски пою Тебе Спасе мой: избави душу мою от языка льстиваго.
Пустынным живот блажен есть, Божественным рачением воскриляющымся.
Слава: Святым Духом одержатся вся, видимая же с невидимыми: Самодержавен бо сый, Троицы Един есть неложно.
И ныне, тойже.
Антифон 2:
На горы душе, воздвигнемся, гряди тамо, отнюдуже помощь идет.
Десная Твоя рука, и мене Христе касающися, от лести всякия да сохранит.
Слава: Святому Духу богословяще рцем: Ты еси Бог, Живот, Рачение, Свет, Ум: Ты Благостыня, Ты царствуеши во веки.
И ныне, тойже.
Антифон 3:
О рекших мне: во дворы внидем Господня: радости многия исполнен быв, молитвы возсылаю.
В дому Давидове страшная совершаются: огнь бо тамо паля всяк срамный ум.
Слава: Святому Духу живоначальное достоинство, от Негоже всякое животно одушевляется, яко во Отце, купно же и Слове.
И ныне, тойже.
Прокимен, глас 5: Воскресни Господи Боже мой, да вознесется рука Твоя, яко Ты царствуеши во веки.
Стих: Исповемся Тебе Господи, всем сердцем моим.
Всякое дыхание:
Стих: Хвалите Бога во святых Его:
Евангелие утреннее рядовое.
Воскресение Христово видевше, поклонимся Святому Господу Иисусу, Единому Безгрешному: Кресту Твоему покланяемся Христе, и святое Воскресение Твое поем и славим: Ты бо еси Бог наш, разве Тебе иного не знаем, Имя Твое именуем. Приидите вси вернии, поклонимся святому Христову Воскресению: се бо прииде Крестом радость всему мiру. Всегда благословяще Господа, поем Воскресение Его: распятие бо претерпев, смертию смерть разруши.
Псалом 50: Помилуй мя Боже:
Слава: Молитвами апостолов, Милостиве, очисти множества согрешений наших.
И ныне: Молитвами Богородицы, Милостиве, очисти множества согрешений наших.
Таже, глас 6: Помилуй мя Боже, по велицей милости Твоей, и по множеству щедрот Твоих, очисти беззаконие мое:
Посем стихира:
Воскрес Иисус от гроба, якоже прорече, даде нам живот вечный, и велию милость.
Спаси Боже люди Твоя:
И возглас: Милостию и щедротами и человеколюбием:
Каноны: Воскресный на 4: Крестовоскресный на 3: Богородичен на 3: Минеи на 4. Аще же празднуется святый, на 6. Крестовоскресный на 2: и Богородицы на 2.
Канон воскресен, глас 5:
Песнь 1
Ирмос: Коня и всадника в море Чермное, сокрушаяй брани мышцею высокою, Христос истрясе: Израиля же спасе, победную песнь поюща.
Припев: Слава Господи, святому Воскресению Твоему.
Тебе терноносный еврейский сонм, любве Благодетелю к Тебе не сохрань матерния, Христе венча, родоначальника разрешающа терновное запрещение.
Воздвигл еси мя падшаго в ров, преклонься Жизнодавче, Безгрешне: и моея злосмрадныя тли Христе, претерпев неискушенно, Божественнаго Существа миром мя облагоухал еси.
Богородичен: Разрешися клятва, печаль преста: Благословенная бо и Благодатная, верным радость возсия, благословение всем концем цветоносящи Христа.
Другий канон крестовоскресен.
Песнь 1, глас тойже
Ирмос: Спасителю Богу:
Иже волею на кресте пригвожденному плотию, и древняго осуждения иже древом падшаго свобождшему, Тому Единому воспоим: яко прославися.
Иже из гроба мертвецу воскресшу Христу, и падшаго совозставившу, и соседением Отеческим украсившему, Тому Единому воспоим: яко прославися.
Богородичен: Пречистая Мати Божия, из Тебе воплощшемуся, и от недр Родителя не разлучившемуся Богу, непрестанно молися, от всякаго обстояния спасти, ихже созда.
Ин канон Пресвятей Богородице [егоже краестрочие: Свет рождшая, просвети мя Дево.]
Песнь 1, глас тойже
Ирмос: Коня и всадника в море Чермное:
Света всельшагося в Тя Пречистая, и просвещшаго мiр лучами Божества, Христа моли, просветити вся поющыя Тя, Мати Дево.
Яко украшаема добротою добродетелей Благодатная, добротворное благолепие лучею Духа, подъяла еси Всечистая, всяческая удобрившаго.
Тебе древле прообразующи купина в Синаи, не опалися Дево, огню присовокупльшися: Дева бо родила еси, и Дева пребыла еси, паче смысла Мати Дево.
Катавасиа: Отверзу уста моя:
Песнь 3
Ирмос: Водрузивый на ничесомже землю повелением Твоим, и повесивый неодержимо тяготеющую, на недвижимем, Христе, камени заповедей Твоих, Церковь Твою утверди, Едине Блаже и Человеколюбче.
Желчь убо иже из камене мед ссавшии, в пустыни чудодействовавшему Тебе принесоша Христе: оцет же за манну воз благодеяние Ти воздаша отроцы Израилевы неблагодарнии.
Иже древле световидным облаком покрываеми, Живот во гробе Христа положиша: но самовластно воскрес, всем верным подаде тайно осеняющее свыше Духа сияние.
Богородичен: Ты Мати Божия несочетанно родила еси, Иже от Нетленна Отца возсиявшаго, кроме болезней матерних: темже Тя Богородицу, воплощенна бо родила еси Слова, православно проповедуем.
Ирмос: Силою Креста Твоего Христе:
Воскресл еси от гроба Христе, тли смертныя избавль воспевающих Жизнодавче, вольное Твое распятие.
Помазати мvром тело Твое мvроносицы Христе тщахуся, и не обретшя возвратишася, воспевающя Твое Востание.
Богородичен: Моли непрестанно Чистая, воплощеннаго из боку Твоею, избавити от лести диаволи, воспевающыя Тя Деву Чистую.
Ирмос: Водрузивый на ничесомже:
Лествица, Еюже к нам сниде Вышний, истлевшее естество исправити, Ты явственно Чистая, всем ныне видена была еси: Тобою бо Преблагий мiрови причаститися благоволи.
Еже древле предуставленное Дево таинство, и прежде век провидимое вся ведущему Богу, летом ныне напоследок в ложеснах Твоих Всенепорочная, конец прием явися.
Разрешися клятвы древния осуждение Твоим ходатайством Дево Пречистая: из Тебе бо Господь явлься, всем благословение яко Преблагий источи, Едина человеков удобрение.
Песнь 4
Ирмос: Божественное Твое разумев истощание, прозорливо Аввакум, Христе, со трепетом вопияше Тебе: во спасение людей Твоих спасти помазанныя Твоя пришел еси.
Яже от Мерры горчайшыя воды, яко во образе проначертая Пречистый Крест Твой Блаже, греховное умерщвляющ вкушение, древом усладил еси.
Крест за древо разумное, за сладкую же пищу желчь, Спасе мой, приял еси, за тление же смерти кровь Твою Божественную излиял еси.
Богородичен: Кроме убо сочетания зачала еси нетленно во чреве, и без болезни родила еси, и по Рождестве Дева, Бога плотию рождши, сохранилася еси.
Ирмос: Услышах слух силы Креста:
Яко водрузися на земли на лобнем Крест, сокрушишася вереи и вратницы вечнии, и возопиша: слава силе Твоей Господи.
Яко сниде Спас к связанным яко мертв, совоскресоша с Ним иже от века умершии, и возопиша: слава силе Твоей Господи.
Богородичен: Дева роди, и матерских не позна: но Мати убо есть, Дева же пребысть: Юже воспевающе, радуйся Богородице, взываем.
Ирмос: Божественное Твое:
Сердцем и умом, душею же и усты исповедую всеблагочестно Тя Богородицу воистинну, Чистая, спасения плод объемля, и спасаюся Дево, молитвами Твоими.
Создавый от не сущих всяческая, от Тебе Чистыя создатися яко Благодетель благоволи, на спасение верою и любовию Тя поющих, Всенепорочная.
Поют Твое Рождество Всенепорочная премiрнии лицы, спасению радующеся, Истинную Богородицу мудрствующих Тя, Дево Нескверная.
Тя Жезл Исаиа именова, от Негоже прозябе нам красный Цвет, Христос Бог, на спасение верою и любовию притекающих к Покрову Твоему.
Песнь 5
Ирмос: Одеяйся светом яко ризою, к Тебе утренюю, и Тебе зову: душу мою просвети омраченную Христе, яко Един Благоутробен.
Иже славы Господь в неславне зраце, на древе обезчещен волею висит, о божественней мне славе несказанно промышляя.
Ты мя преоблекл еси в нетление, Христе, тли смертныя неистленно плотию вкуш, и возсияв из гроба тридневен.
Богородичен: Ты правду же и избавление нам рождши Христа без семене, свободно содеяла еси от клятвы Богородице, естество праотца.
Ирмос: Утренююще вопием Ти:
Простерл еси длани Спасе наш на древе, вся призывая к Себе, яко Человеколюбец.
Пленил еси ад Спасе мой Твоим погребением, и Твоим Воскресением радости вся исполнил еси.
Воскрес от гроба тридневно Жизнодавче, и всем источил еси безсмертие негиблющее.
Богородичен: Деву по Рождестве воспеваем Тя Богородице: Ты бо Бога Слова плотию мiрови родила еси.
Ирмос: Одеяйся светом:
Вси пророцы Тя яве предвозвестиша хотящую быти Божию Матерь, Богородице Чистая: едина бо обрелася еси Чистая, совершенна Непорочная.
Светел облак Тя животныя воды, нам тучу нетления Христа одождивший отчаянным, Чистая, познаваем.
Яко близ всю Тя добру и непорочну, запечатленну девством чисте возлюби, в Тя Вселивыйся Бог, яко един Благоутробен.
Песнь 6
Ирмос: Неистовствующееся бурею душетленною, Владыко Христе, страстей море укроти, и от тли возведи мя яко Благоутробен.
В тление поползся родоначальник, Владыко Христе, преслушаннаго брашна вкуш, и к животу возведен бысть страстию Твоею.
Живот низшел еси ко аду, Владыко Христе, и тление растлевшему быв, тлением источил еси Воскресение.
Богородичен: Дева роди, и рождши пребысть чиста, на руку носящаго всяческая, яко воистинну Дева Мати понесшая.
Ирмос: Обыде мы бездна:
Простерл еси длани Твои, собирая далече расточенная язык Твоих собрания, Христе Боже наш, живоносным Крестом Твоим, яко Человеколюбец.
Пленил еси смерть, и врата адова сокрушил еси, Адам же связанный разрешен быв, вопияше Тебе: спасе мя десница Твоя Господи.
Богородичен: Купину Тя неопалиму, и гору и лествицу одушевлену, и врата небесная достойно славим, Марие славная, православных похвало.
Ирмос: Неистовствующееся бурею:
Иже всему виновный, и еже быти всем подавый, яко виновну имяше воплощаемь, еже по нам, Тя Богомати Всенепорочная.
Исцелений Владычице, душепитательный точащий источник верно притекающым к покрову Твоему благославному, вемы Тя Всенепорочная.
Спасению виновна Жизнодавца родила еси нам, вечное избавление дарующаго, Истинную Богородицу Тя проповедающым.
Кондак, глас 5.
Подобен: Собезначальное Слово:
Ко аду Спасе мой сошел еси, и врата сокрушивый яко Всесилен, умерших яко Создатель совоскресил еси, и смерти жало сокрушил еси, и Адам от клятвы избавлен бысть, Человеколюбче. Темже вси зовем: спаси нас Господи.
Икос: Услышавшя жены ангеловы глаголы, отложиша рыдание, радостны бывшя и трепетны, ужас бо видеша, и се Христос приближися к ним, глаголя: еже, радуйтеся, дерзайте, Аз мiра победих, и узники свободих, потщитеся убо ко учеником, возвещающя им: яко варяю вы во граде Галилейстем, еже проповедати. Темже вси Тебе зовем: спаси нас Господи.
Песнь 7
Ирмос: Превозносимый отцев Господь пламень угаси, отроки ороси, согласно поющыя: Боже, благословен еси.
Плотию обложься якоже на удице льщения, Божественною Твоею силою змия низвлекл еси возводя вопиющыя: Боже, благословен еси.
Земли непроходное осуществовавый составление, во гробе покрывается плотию Невместимый. Емуже вси поем: Боже, благословен еси.
Богородичен: Едину убо Ипостась во Двою Естеству, Всенепорочная родила еси Воплощеннаго Бога. Емуже вси поем: Боже, благословен еси.
Ирмос: В пещи огненней песнословцы:
Иже древом крестным идольскую прелесть разрешивый, благословен Бог отец наших.
Воскресый из мертвых, и сущыя во аде совоздвигнувый, благословен Бог отец наших.
Твоею смертию Христе, смертную разорь державу, благословен Бог отец наших.
Богородичен: Иже от Девы рождься, и Богородицу Сию показавый, благословен Бог отец наших.
Ирмос: Превозносимый отцев:
Неопределенный пребыв Непреложен, плоти по Ипостаси соединися, яко Благоутробен, в Тебе Пресвятей: Иже Един благословен Бог отец наших.
Невесту Тя Всенепорочную Богородице Владычице, согласно славим и Престол Зиждителя Твоего. Емуже вси поем: Боже, благословен еси.
Мати всех Царя, очищшися духом Дево, была еси, Тебе Создавшаго. Емуже вси поем: Боже, благословен еси.
Спасе мя Господь, Богомати Пречистая, одеждею плоти из Тебе одеявся. Емуже вси поем: Боже, благословен еси.
Песнь 8
Ирмос: Тебе Вседетелю, в пещи отроцы, всемiрный лик сплетше пояху: дела всякая Господа пойте, и превозносите во вся веки.
Ты о вольней спасительныя страсти помолился еси чаши, якоже невольней: два хотения, двема бо по коемуждо носиши существома Христе, во веки.
Твоим вседетельным схождением, ад Христе, поруганный изблева вся, яже древле лестию умерщвленныя, Тебе превозносящыя во вся веки.
Богородичен: Тя яже паче ума богомужне Словом Рождшую Господа, и девствующую, вся дела Дево благословим, и превозносим во вся веки.
Ирмос: Из Отца прежде век:
Иже на Кресте волею длани простершаго, и узы смертныя разрушившаго Христа Бога, священницы пойте, людие превозносите во вся веки.
Иже яко Жениха из гроба возсиявшаго Христа Бога, и мvроносицам явльшагося, и радость тем провещавша, священницы пойте, людие превозносите во вся веки.
Богородичен: Херувим превышши явилася еси Богородице Чистая, во чреве Твоем, Иже на тех носимаго понесши: Егоже со безплотными человецы славословим во вся веки.
Ирмос: Тебе Вседетелю в пещи:
Преста ныне яже праотчая печаль, радость приемши Ти Богоматерни. Темже непрестанно поем Тя Дево, и превозносим во вся веки.
Поет с нами безплотных собор, Дево Рождество Твое непостижимое, един лик составльше любовию, и превозносяще его во веки.
Струя прозрачная безсмертия Отроковице из Тебе изыде, Иже всех Господь, скверну омывая верою Тя поющих, и превозносящих во вся веки.
Божественный воистинну, и светоносный Престол, и скрижали благодати исповедуем Тя, Слово Дево Отчее яко приемшую: Егоже превозносим во вся веки.
Таже, поем песнь Богородицы: Величит душа моя Господа: С припевом: Честнейшую херувим:
Песнь 9
Ирмос: Исаие ликуй, Дева име во чреве, и роди Сына Еммануила, Бога же и Человека, Восток Имя Ему: Егоже величающе, Деву ублажаем.
Падшаго человека восприял еси Владыко Христе, из ложесн Девических всему совокуплься, греху же ни единому причащься: всего от истления Ты свободил еси пречистыми Твоими страстьми.
Боготочною кровию истощенною Владыко Христе, от Твоих пречистых ребр и животворящих, жертва убо преста идольская, вся же земля Тебе хваления жертву приносит.
Богородичен: Не Бога безплотна, ниже паки человека проста произведе Чистая Отроковица, и Нескверная: но Человека совершенна, и неложно совершенна Бога. Егоже величаем со Отцем же и Духом.
Ирмос: Тя паче ума:
Тебе Иже на Кресте страсть подъемшаго, и адову силу смертию сокрушившаго, вернии православно величаем.
Тебе из гроба тридневно воскресша, и ад пленившаго, и мир просветившаго, вернии единомудренно величаем.
Богородичен: Радуйся Богородице, Мати Христа Бога, Егоже родила еси, моли прегрешений оставление даровати, верою поющым Тя.
Ирмос: Исаие ликуй:
От чистых кровей Твоих усырися плоть преестественно всех Содетелю, Единородному Сыну Родителеву, не от мужа, без семене же умна и одушевленна, Богородице Приснодево.
Обходимое уставила еси смерти неудержимое стремление, рождши плотию воистинну паче ума Жизнь вечную: Ейже приложься усты горькими ад упразднися, Пресвятая Мати Дево.
На престоле седя Сын Твой Владычне, рясны Тя златыми Божественных добродетелей свет сияющу, одесную постави Себе Чистая, дая честь яко Матери Тебе, Всенепорочная.
Паче ума Рождество Твое Богомати: без мужа бо зачатие в Тебе, и девически рождение бысть: ибо Бог есть Рождейся, Егоже величающе, Тя Дево ублажаем.
По катавасии ектениа малая. Таже, Свят Господь Бог наш. Екзапостиларий утренний.
На хвалитех стихиры воскресны, глас 5:
Стих: Сотворити в них суд написан, слава сия будет всем преподобным Его.
Господи, запечатану гробу от беззаконников, прошел еси из гроба, якоже родился еси от Богородицы: не уразумеша, како воплотился еси, безплотнии Твои ангели: не чувствоваша, когда воскресл еси, стрегущии Тя воини. Обоя бо запечатлестася испытующым, явишася же чудеса кланяющымся верою таинству: еже воспевающым, воздаждь нам радость и велию милость.
Стих: Хвалите Бога во святых Его, хвалите Его в утвержении силы Его.
Господи, вереи вечныя сокрушив, и узы растерзав, от гроба воскресл еси, оставль Твоя погребальная, во свидетельство истиннаго тридневнаго Твоего погребения: и предварил еси в Галилеи, в пещере стрегомый. Велия Твоя милость, Непостижиме Спасе, помилуй и спаси нас.
Стих: Хвалите Его на силах Его, хвалите Его по множеству величествия Его.
Господи, жены текоша на гроб, видети Тя Христа нас ради пострадавшаго, и пришедшя, обретоша ангела на камени седяща, страхом отвальшемся, и к ним возопи глаголя: воскресе Господь, рцыте учеником, яко воскресе от мертвых, спасаяй душы нашя.
Стих: Хвалите Его во гласе трубнем: хвалите Его во псалтири и гуслех.
Господи, якоже изшел еси от запечатаннаго гроба, тако вшел еси и дверем заключеным ко учеником Твоим, показуя им телесная страдания, яже подъял еси Спасе Долготерпеливый: яко от семене Давидова язвы претерпел еси: яко Сын же Божий, мiр свободил еси. Велия Твоя милость, Непостижиме Спасе, помилуй и спаси нас.
Ины стихиры Анатолиевы.
Стих: Хвалите Его в тимпане и лице, хвалите Его во струнах и органе.
Господи Царю веков, и Творче всех, нас ради распятие и погребение плотию приимый, да нас от ада свободиши всех: Ты еси Бог наш, разве Тебе иного не вемы.
Стих: Хвалите Его в кимвалех доброгласных, хвалите Его в кимвалех восклицания: всякое дыхание да хвалит Господа.
Господи, пресияющая Твоя чудеса кто исповесть? или кто возвестит страшная Твоя таинства? вочеловечивыйся бо нас ради, яко Сам восхотел еси, державу явил еси силы Твоея: Крестом бо Твоим разбойнику рай отверзл еси, и погребением Твоим вереи адовы сокрушил еси, Воскресением же Твоим всяческая обогатил еси: Благоутробне, Господи, слава Тебе.
Стих: Воскресни Господи Боже мой, да вознесется рука Твоя, не забуди убогих Твоих до конца.
Мvроносицы жены гроба Твоего достигшя, зело рано искаху Тебе мvры помазати, Безсмертнаго Слова и Бога: и ангела глаголы огласившяся, возвращахуся радостию, апостолом возвестити яве, яко воскресл еси, Животе всех, и подал еси мiрови очищение и велию милость.
Стих: Исповемся Тебе Господи всем сердцем моим, повем вся чудеса Твоя.
Богоприятнаго гроба ко иудеом стражие глаголаху: О вашего суемудреннаго совета! стрещи Неописаннаго покусившеся, всуе трудистеся, сокрыти Воскресение распятаго хотяще, ясно показасте. О вашего суемудреннаго соборища! что паки сокрыти советуете, Еже некрыется? паче же от нас услышите, и веровати восхощите бывших истине: ангел молниеносец с небесе сошед камень отвали, егоже страхом мертвостию содержими быхом, и возгласив крепкоумным мvроносицам, глаголаше женам: не зрите ли стражей умерщвления, и печатей разрешения, адова же истощания? почто победу адову Упразднившаго, и смертное жало Сокрушившаго, яко мертва взыскуете? благовестите же скоро шедшя апостолом Воскресение, без страха зовущя: воистинну воскресе Господь, имея велию милость.
Слава, стихира утренняя евангельская.
И ныне, Богородичен: Преблагословенна еси:
Славословие великое.
Таже, тропарь воскресен:
Днесь спасение мiру бысть, поем Воскресшему из гроба, и Начальнику жизни нашея: разрушив бо смертию смерть, победу даде нам, и велию милость.
Таже, ектении. И отпуст.
На литургии.
Блаженна, глас 5:
Разбойник на кресте Бога Тя быти веровав, Христе, исповеда Тя чисте от сердца, помяни мя Господи, вопия, во Царствии Твоем.
Стих: Блажени чистии сердцем, яко тии Бога узрят.
Иже на древе крестнем жизнь процветшаго роду нашему, и изсушивша юже от древа клятву, яко Спаса и Содетеля согласно воспоим.
Стих: Блажени миротворцы, яко тии сынове Божии нарекутся.
Смертию Твоею Христе, смертную разрушил еси силу, и совоздвигл еси иже от века умершыя, Тя поющыя истиннаго Бога и Спаса нашего.
Стих: Блажени изгнани правды ради, яко тех есть Царство Небесное.
На гроб Твой Христе, пришедшя жены честныя, искаху Тя Жизнодавче мvропомазати, и явися им ангел вопия: воскресе Господь.
Стих: Блажени есте, егда поносят вам, и ижденут, и рекут всяк зол глагол на вы лжуще Мене ради.
Распеншу Тя ся Христе, посреде двою осужденною разбойнику, един убо хуля Тя, осужден бысть праведне: другий же исповедая Тя, в рай вселися.
Стих: Радуйтеся и веселитеся, яко мзда ваша многа на небесех.
Ко апостолов лику пришедшя жены честныя, возопиша: Христос воскресе, яко Владыце и Содетелю Тому поклонимся.
Слава, Троичен: Троице Нераздельная, Единице Вседетельная и Всесильная, Отче, Сыне и Святый Душе, Тебе поем Истиннаго Бога и Спаса нашего.
И ныне, Богородичен: Радуйся одушевленный Храме Божий и Врата Непроходимая: радуйся неопалимый и огнеобразный Престоле: радуйся Мати Еммануила, Христа Бога нашего.
Прокимен, глас 5: Ты Господи сохраниши ны, и соблюдеши ны от рода сего и во век.
Стих: Спаси мя Господи, яко оскуде преподобный.
Аллилуия: Милости Твоя Господи во век воспою, в род и род возвещу истину Твою усты моими.
Стих: Зане рекл еси: в век милость созиждется, на небесех уготовится истина Твоя.
Систему гласов в молитвенных песнопениях ввел преподобный Иоанн Домаскин. Молитвенные христианские песни — тропари состоят из восьми гласов, из которых четыре — основных, и четыре — косвенных. В многовековой певческой церковной практике сложилось понятие, что глас служит образцом для всех текстов, которые относятся к данному гласу. Существует перечень самых распространенных знакомых верующим тропарей по гласам . Миряне могут ежедневно в конце вечерних и читать тропари для ежедневного чтения, добавляя тропари переходящих праздников, воскресные и дневные. Общие тропари позволяют молиться и другим святым, память которых чтится Церковью в этот день.
Как читать тропари ежедневные по гласам
- В будние дни совершаются службы чинам святых. Каждый день недели посвящен определенному событию и памяти святого, а также, имеет соответствующий тропарь. В понедельник Церковь вспоминает Небесные чины бесплодные, которые занимают ведущее место в соборе святых после Богородицы. Этому событию посвящен тропарь глас 4.
- Во вторник в тропаре глас 2 Церковь чтит память Иоанна Предтечи, в его лице Церковь прославляет всех пророков. По средам вспоминается Господняя смерть, исполняются, также, молитвенные песнопения Животворящему Кресту, так как на нем Господь притерпел за христиан смерть. Эти дни посвящены Кресту Господню и Церковь сохраняет в эти дни пост.
- В церквях исполняется тропарь глас 1, который является самым торжественным и главным из всего восьмигласия.
- Тропарь глас 3 по четвергам — воспоминание святых апостолов и святителя Николая чудотворца, а в его лице и всех святителей. По субботам Церковь .
- 5 глас тропарь которого посвящен исповеданию грехов, имеет мелодичность, дающую ощущение покоя и бесконечности, исполняется по субботним службам.
- Тропарь глас 6 является воскресной песнью по Евангелии.
- 7 глас тропарь Преображению очень редко звучит, и поэтому, является самым скудным по количеству песнопений.
- Тропарь глас 8 выражает веру в будущую жизнь и называется гласом восклицания, похвалы и высокой проповеди.
Текст тропарей по гласам
Глас 1:
Камени запечатану от иудей и воином стерегущим Пречистое Тело Твое, воскресл если тридневный. Спасе, даруяй мирови жизнь. Сего ради силы небесныя вопияху Ти, Жизнодавче: слава воскресению Твоему, Христе, слава Царствию Твоему, слава смотрению Твоему, едине Человеколюбче.
Богородичен
Гавриилу, вещавшу Тебе Дево, радуйся,со гласом воплощашеся всех Владыка,в Тебе, Святем Кивоте,якоже рече праведный Давид:явилася еси ширшая небес,поносивши Зиждителя Твоего.Слава всельшемуся в Тя,слава прошедшему из Тебе, слава свободившему нас Рождеством Твоим.
Воскресл еси яко Бог из гроба во славе,и мир совоскресил еси;и естество человеческое воспевает Тя, и смерть исчезе;Адам же ликует, Владыко; Ева ныне от уз избавляема радуется, зовущи:Ты еси, Иже всем подая, Христе, воскресение.
Егда снизшел еси к смерти, Животе Безсмертный, тогда ад умертвил еси блистанием Божества: егда же и умершия от преисподних воскресил еси, вся силы небесныя взываху: Жизнодавче, Христе Боже наш, слава Тебе.
Богородичен
Вся паче смысла,Вся преславная Твоя, Богородице, таинства,чистоте запечатанной, и девству храниму,Мати позналася еси неложна,Бога рождши истиннаго;Того моли спастися душам нашим.
Воскресл еси от гроба, Всесильне Спасе,и ад видев чудо, ужасеся,и мертвии восташа;тварь же видящи срадуется Тебе,и Адам свеселится,и мир, Спасе мой, воспевает Тя присно.
Да веселятся небесная, да радуются земная, яко сотвори державу мышцею Своею Господь, попра смертию смерть, первенец мертвых бысть; из чрева адова избави нас, и подаде мирови велию милость.
Богородичен
Тя Ходатайствовавшую спасение рода нашего,воспеваем, Богородице Дево:плотию бо от Тебе восприятую Сын Твой и Бог наш,Крестом восприим страсть,избави нас от тли яко Человеколюбец.
Воскресл еси днесь из гроба, Щедре,и нас возвел еси от врат смертных;днесь Адам ликует, и радуется Ева,вкупе же и пророцы с патриархи воспевают непрестанноБожественную державу власти Твоея.
Светлую воскресения проповедь от Ангела уведевша Господни ученицы и прадеднее осуждение отвергша, апостолом хвалящася глаголаху: испровержеся смерть, воскресе Христос Бог, даруяй мирови велию милость.
Богородичен
Еже от века утаенное,и Ангелом несведомое таинство,Тобою, Богородице, сущим на земли явися Бог,в неслитном соединении воплощаемь,и Крест волею нас ради восприим,Имже воскресив первозданнаго,спасе от смерти душы наша.
Спас и Избавитель мойиз гроба, яко Бог,воскреси от уз земнородныя,и врата адова сокруши,и яко Владыка воскресе тридневен.
Собезначальное Слово Отцу и Духови, от Девы рождшееся на спасение наше, воспоим, вернии, и поклонимся, яко благоволи плотию взыти на крест, и смерть претерпети, и воскресити умершия славным воскресением Своим.
Богородичен
Радуйся, двере Господня непроходимая.Радуйся, стено и покрове притекающих к Тебе.Радуйся, необуреваемое пристанище и неискусобрачная,рождшая плотию Творца Твоего и Бога, молящи не оскудевай от воспевающих,и кланяющихся рождеству Твоему.
Ко аду, Спасе мой, сошел еси,и врата сокрушивый яко Всесилен,умерших яко Создатель совоскресил еси,и смерти жало сокрушил еси,и Адам от клятвы избавлен бысть,Человеколюбче, темже вси зовем:спаси нас, Господи.
Ангельския силы на гробе Твоем и стрегущии омертвеша, и стояше Мария во гробе, ищущи Пречистаго Тела Твоего. Пленил еси ад, не искусйвся от него; сретил есй Деву, даруяй живот. Воскресый из мертвых. Господи, слава Тебе.
Богородичен
Благословенную нарекий Твою Матерь,пришел еси на страсть вольным хотением,возсияв на Кресте, взыскати хотя Адама,глаголя Ангелом:срадуйтеся Мне, яко обретеся погибшая драхма.Вся мудре устроивый, Боже наш, слава Тебе.
Живоначальною дланиюумершия от мрачных удолийЖизнодавец воскресив всех Христос Бог,воскресение подаде человеческому роду:есть бо всех Спаситель,воскресение и живот, и Бог всех.
Разрушил еси Крестом Твоим смерть, отверзл еси разбойнику рай, мироносицам плач преложил еси, и апостолом проповедати повелел еси, яко воскресл еси, Христе Боже, даруяй мирови велию милость.
Богородичен
Яко нашего воскресения сокровище,на Тя надеющияся, Всепетая,от рова и глубины прегрешений возведи;Ты бо повинныя греху спасла еси,рождши Спасение наше; яже прежде рождества Дева, и в рождестве Дева,и по рождестве паки пребываеши Дева.
Не ктому держава смертнаявозможет держати человеки:Христос бо сниде, сокрушая и разоряя силы ея;связуемь бывает ад,пророцы согласно радуются,предста, глаголюще, Спас сущим в вере:изыдите, вернии, в воскресение.
С высоты снизшел еси, Благоутробне, погребение приял еси тридневное, да нас свободиши страстей, Животе и воскресение наше. Господи, слава Тебе.
Богородичен
Иже нас ради рождейся от Девы,и распятие претерпев, Благий,испровергий смертию смерть,и воскресение явлей яко Бог,не презри, яже создал еси рукою Твоею;яви человеколюбие Твое, Милостиве,приими рождшую Тя Богородицу молящуюся за ны; и спаси, Спасе наш, люди отчаянныя.
Воскрес из гроба, умершия воздвигл еси,и Адама воскресил еси,и Ева ликует во Твоем воскресении,и мирстии концы торжествуютеже из мертвых востанием Твоим, Многомилостиве.
Тропарь, глас 5
Православной веры светильники, монашества непоколебимые столпы, земли Российской утешители, преподобные старцы Оптинские, любовь Христову стяжавшие и души свои за чад духовных полагавшие, молитесь к Господу, да утвердит земное Отечество ваше в Православии и благочестии и спасёт души наши.
Тропарь, глас 4 Засту?пнице ве?рных преблага?я и ско?рая, Пречи?стая Богоро?дице Де?во! Мо?лим Тя пред святы?м и чудотво?рным о?бразом Тво?им, да я?коже дре?вле от него? заступле?ние Твое? гра?ду Москве? дарова?ла еси?, та?ко и ны?не нас от вся?ких бед и напа?стей ми?лостиво изба?ви и
Тропарь, глас 4 Засту?пница усе?рдная, Ма?ти Го?спода Вы?шняго! За всех мо?лиши Сы?на Твоего?, Христа? Бо?га на?шего, и всем твори?ши спасти?ся, в держа?вный Твой покро?в прибега?ющим. Всех нас заступи?, о Госпоже?, Цари?це и Влады?чице, и?же в напа?стех, и в ско?рбех, и в боле?знех
Тропарь, глас 3 Твоего? предста?тельства увере?ние и милосе?рдия Твоего? явле?ние ико?на Озеря?нская нам, Влады?чице, показа?ся; пред не?юже ду?ши на?ша в моли?тве излива?ем и ве?рою Тебе? вопи?ем: воззри?, Милосе?рдая, на лю?ди Твоя?, вся ско?рби на?ша и печа?ли утоли?, утеше?ние
Тропарь, глас 5 Я?ко к целе?бному исто?чнику, притека?ем к тебе?, Амвро?сие, о?тче наш, ты бо на путь спасе?ния нас ве?рно наставля?еши, моли?твами от бед и напа?стей охраня?еши, в теле?сных и душе?вных ско?рбех утеша?еши, па?че же смире?нию, терпе?нию и любви? науча?еши. Моли?
Тропарь. Глас 1 От мятежа мирскаго удалився, к немерцающему свету притекл еси, преподобне отче Лонгине, и ныне чисте зриши Святую Троицу, юже моли за ны недостойныя, да спасет души
Тропарь, глас 4 Почерпем, человецы, цельбы душам и телом молитвою, Река бо всем предтечет – Пречистая Царица Богородица, источающи нам чудную воду и измывающи сердец черности, греховныя струпы очищающи, души же освящающи верных Божественною
Тропарь, глас 3 Пречистая Дево Марие, Мати Царя небеси и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению. Спорительнице сущи хлебов им, избавляя их всякия
Тропарь, глас 4 Богородице притецем, сущий в бедах, и святей иконе Ея ныне припадем, с верою зовуще из глубины души: скоро наше услыши моление, Дево, яко Скоро послушница нарекшаяся. Тебе бо рабы Твои в нуждах готовую Помощницу
Тропарь, глас 4 От юности Христа возлюбил, блаженне, и Тому Единому работати пламенно вожделев, непрестанною молитвою и трудом в пустыни подвизался еси, умиленным же сердем любовь Христову стяжав, Избранник возлюблен Божия Матери явился еси. Сего ради вопием ти: спасай нас
Тропарь, глас 4 Во плоти Ангел, пророков основание, второй предтеча пришествия Христова Илиа славный, свыше пославый Елисееви благодать недуги отгоняти и прокаженныя очищати, темже и почитающим его точит
Тропарь, глас 2 Молитвами твоими ко Господу от зол, бед, напастей свободи, верно к тебе прибегающих и сетей избави вражиих, великий страстотерпче
Тропарь, глас 4 Собора перваго показался еси поборник и чудотворец, богоносне Спиридоне, отче наш. Темже мертву ты во гробе возгласив, и змию в злато претворил еси; и внегда пети тебе святыя молитвы, ангелы сослужащия тебе, имел еси, священнейший. Слава Давшему тебе
Тропарь, глас 4 Возвысився на добродетель и ум очистив, к желанному и крайнему достигл еси, безстрастием же украсив житие твое и пощение изрядное восприим совестию чистою, в молитвах, яко безплотен, пребывая, возсиял еси, яко солнце, в мире, преблаженне
Тропарь, глас 8 В терпении твоем стяжал еси мзду свою, праведне, и в заповедех Господних совершенне пожил, нищих возлюбил и сих удоволил еси, но молися Христу Богу, блаженне, спастися душам
Тропарь, глас 4 Житие на земли добре окормляя, страдальче, милостынями и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне
Тропарь, глас 2-й Всех скорбящих радосте и обидимых заступнице, и алчущих питательнице, странных утешение, обуреваемых пристанище, больных посещение, немощных покрове и заступнице, жезле старости, Мати Бога Вышняго Ты еси, Пречистая: потщися, молимся, спастися рабом
З дравствуйте, дорогие посетители православного сайта “Семья и Вера”!
В оскресные Богослужения поделены на 8-мь гласов, которые меняют друг в течении всего церковного года. В нынешнем 2017 году 5-й глас выпадает на следующие даты: 25 февраля; 8 июля; 2 сентября; 28 октября; 23 декабря.
О чень важно посещать храм Божий в Воскресные дни для приобщения к общей соборной молитве. Но если по важным причинам Вы не можете посетить церковь, предлагаем к домашнему молитвословию аудиозапись воскресного Богослужения на 5-й глас, сделанную в Московской Сретенской обители.
Н иже прилагается и текст многих стихир 5-го гласа и воскресного канона.
ВЕЧЕРНЯ. ГЛАС 5-Й
Ч естным Твоим Крестом, Христе, / диавола посрамил еси, / и Воскресением Твоим жало греховное притупил еси, / и спасл еси ны от врат смертных: / славим Тя, Единородне.
[Перевод с церковнославянского языка на русский]
[Священным Своим Крестом, Христе, / Ты диавола посрамил, / и воскресением Своим жало греха притупил / и спас нас от врат смерти. / Прославляем Тебя, Единородный.]
В оскресение даяй роду человеческому, / яко овча на заколение ведеся, / устрашишася сего князи адстии, / и взяшася врата плачевная. / Вниде бо Царь славы Христос, / глаголя сущим во узах, изыдите: / и сущим во тьме, открыйтеся.
[Воскресение Дарующий роду человеческому / как овца на заклание был приведен. / Устрашились Его князья ада, / и отверзлись врата горестные; / ибо вошел Царь славы – Христос, / возглашая тем, кто во узах: «выходите», / и тем, кто во тьме: «откройтесь».]
В елие чудо, / невидимых Содетель, за человеколюбие плотию пострадав, / воскресе Безсмертный. / Приидите отечествия язык, Тому поклонимся: / благоутробием бо Его от прелести избавльшеся, / в Триех Ипостасех Единаго Бога пети навыкохом.
[Великое чудо! Создатель невидимого, / по человеколюбию плотию пострадав, / воскрес, как Бессмертный. / Придите, племена народов, поклонимся Ему; / ибо мы, милосердием Его от заблуждения избавившись, / воспевать единого в трех Ипостасях Бога научились.]
С
В Чермнем мори, / Неискусобрачныя Невесты образ написася иногда: / тамо Моисей, разделитель воды: / зде же Гавриил, служитель чудесе. / Тогда глубину шествова немокренно Израиль; / ныне же Христа роди безсеменно Дева. / Море по прошествии Израилеве пребысть непроходно; / Непорочная по Рождестве Эммануилеве пребысть Нетленна. / Сый, и прежде Сый, / явлейся, яко Человек, / Боже помилуй нас.
[В Красном море / образ Невесты, брака не познавшей, / был начертан некогда. / Там – Моисей, разделитель воды, / здесь же – Гавриил, служитель чуда. / Тогда морскую глубину, не омочив ног, прошел Израиль, / ныне же Христа без семени родила Дева. / Море после прохода Израиля осталось непроходимым, / Непорочная по рождении Эммануила осталась неповрежденной. / Боже Сущий, – / и предсуществовавший, и явившийся как человек, / помилуй нас!]
Воскресные стихиры на стиховне, глас 5-й
Т ебе, Воплощеннаго Спаса Христа, / и Небес неразлучившася, / во гласех пений величаем, / яко Крест и смерть приял еси за род наш, / яко Человеколюбец Господь, / испровергий адова врата, / тридневно воскресл еси, / спасая души наша.
[Тебя, воплотившегося Спасителя Христа, / и небес не оставившего, / мы голосами песнопений величаем; / ибо Крест и смерть Ты принял за род наш, / как человеколюбивый Господь; / разрушив врата ада, Ты в третий день воскрес, / спасая души наши.]
П рободеным Твоим ребром, Жизнодавче, / токи оставления всем источил еси, / жизни и спасения: / плотию же смерть восприял еси, / безсмертие нам даруя. / Вселив же ся во гроб нас свободил еси, / совоскресив с Собою славно, яко Бог. / Сего ради вопием: / Человеколюбче Господи, слава Тебе.
[Из пронзенных Своих ребр, Податель жизни, / Ты всем излил потоки / прощения, жизни и спасения; / плотию Ты принял смерть, бессмертие нам даруя; / вселившись же во гроб, Ты нас освободил, / со славою воскресив нас с Собою, как Бог. / Потому мы взываем: / «Человеколюбец Господи, слава Тебе!»]
Тропарь, глас 5-й
C обезначальное Слово Отцу и Духови, / от Девы рождшееся на Спасение наше, / воспоим, вернии, и поклонимся; / яко благоволи Плотию взыти на Крест, / и смерть претерпети, / и воскресити умершия / славным воскресением Своим.
[Слово, безначальное подобно Отцу и Духу, / от Девы родившееся для спасения нашего, / воспоем, верные, и поклонимся Ему, / ибо благоволил Он плотию взойти на Крест, / и смерть претерпеть, и воскресить умерших / славным воскресением Своим.]
С лава Отцу и Сыну и Святому Духу, и ныне и присно и во веки веков. Аминь.
Р адуйся, Двере Господня непроходимая; / радуйся, стено и покрове притекающим к Тебе. / Радуйся, необуреваемое пристанище и неискусобрачная, / рождшая плотию Творца Твоего и Бога. / Молящи не оскудевай о воспевающих / и кланяющихся рождеству Твоему.
[Радуйся, дверь Господня непроходимая! / Радуйся, стена и покров прибегающим к Тебе! / Радуйся, тихая пристань и Дева брака не познавшая, / родившая по плоти Творца Твоего и Бога! / Не переставай ходатайствовать о воспевающих / и почитающих Рожденного от Тебя.]
Воскресная песнь после Евангелия
В оскресение Христово видевше, / поклонимся Святому Господу Иисусу, / единому безгрешному. / Кресту Твоему покланяемся, Христе, / и святое Воскресение Твое поем и славим: / Ты бо еси Бог наш, / разве Тебе иного не знаем, / имя Твое именуем. / Приидите вси вернии, / поклонимся Святому Христову Воскресению: / се бо прииде крестом радость всему миру. / Всегда благословяще Господа, / поем Воскресение Его: / распятие бо претерпев, / смертию смерть разруши.
[Воскресение Христа увидев, / поклонимся Святому Господу Иисусу, / единому безгрешному. / Кресту Твоему поклоняемся, Христе, / и Святое воскресение Твоё поём и славим, / ибо Ты – Бог наш, / кроме Тебя иного не знаем, / имя Твоё призываем. / Придите, все верные, / поклонимся святому Христову воскресению, / ибо вот, пришла через Крест / радость всему миру. / Всегда благословляя Господа, / воспеваем воскресение Его, / ибо Он, распятие претерпев, / смертию смерть сокрушил.]
КАНОН ВОСКРЕСНЫЙ, ГЛАС 5-Й
Песнь 1
Ирмос: К оня и всадника в море Чермное, / сокрушаяй брани / мышцею высокою, / Христос истрясе, / Израиля же спасе, / победную песнь поюща.
[Коня и всадника в Красное море / сокрушающий в битвах рукою вознесенною / Христос ниспроверг, / Израиля же спас, / победную песнь поющего.]
Припев: С лава Господи, святому Воскресению Твоему.
Т ебе терноносный еврейский сонм, / любве, Благодетелю, к Тебе не сохрань матерния, Христе, венча, / родоначальника разрешающа терновное запрещение.
[Приносящая терние Еврейская синагога, / любви материнской к Тебе, Благодетелю, не сохранив, / венец терновый возложила на Тебя, Христе, / избавляющего нашего родоначальника / от наказания тернием.]
В оздвигл еси мя падшаго в ров, / преклонься, Жизнодавче Безгрешне: / и моея злосмрадныя тли, Христе, претерпев неискушенно, / Божественнаго Существа миром мя облагоухал еси.
[Ты воздвиг меня, упавшего в ров, / без колебаний придя на помощь, Податель жизни, / и вынеся мое злосмрадное тление, / но им не задетый, Христе, / мvром Божественного естества меня облагоухал.]
С лава Отцу и Сыну и Святому Духу, и ныне и присно и во веки веков. Аминь.
Р азрешися клятва, печаль преста: / Благословенная бо и Благодатная, / верным радость возсия, / благословение всем концем цветоносящи Христа.
[Уничтожено проклятие, положен конец печали, / ибо Дева благословенная и благодатная / радость верным произвела, / как цветок произрастив благословение – Христа / всем концам земли.]
Песнь 3
Ирмос: В одрузивый на ничесомже землю повелением Твоим, / и повесивый неодержимо тяготеющую / на недвижимем, Христе, камени заповедей Твоих, / Церковь Твою утверди, Едине Блаже и Человеколюбче.
[Утвердивший землю ни на чем велением Своим / и поднявший ее, тяжелую, без опоры! / На неподвижном камне заповедей Твоих / Церковь Твою утверди, / единый Благой и Человеколюбец!]
Ж елчь убо иже из камене мед ссавшии, / в пустыни чудодействовавшему Тебе принесоша, Христе: / оцет же за манну воз благодеяние Ти воздаша / отроцы Израилевы неблагодарнии.
[Из скалы меда напившиеся, / Тебе, чудеса в пустыне сотворившему, / желчь принесли, Христе; / а уксусом – как благодеянием за манну Тебе воздали / сыны Израиля неблагодарные.]
И же древле световидным облаком покрываеми, / Живот во гробе Христа положиша: / но самовластно воскрес, всем верным подаде / тайно осеняющее свыше Духа сияние.
[Некогда световидным облаком покрываемые / Тебя, Жизнь, во гробе положили Христе; / но Своею властию воскреснув, / Ты всем верным даровал / таинственно осеняющее свыше Духа сияние.]
С лава Отцу и Сыну и Святому Духу, и ныне и присно и во веки веков. Аминь.
Т ы Мати Божия несочетанно родила еси, / Иже от Нетленна Отца возсиявшаго, кроме болезней матерних: / темже Тя, Богородицу, воплощенна бо родила еси Слова, / православно проповедуем.
[Ты безбрачно сделалась Матерью / Бога, от Отца вечного воссиявшего, / и не испытала свойственных матерям страданий; / потому Тебя, как родившую воплотившееся Слово, / мы православно Богородицею исповедуем.]
Песнь 4
Ирмос: Б ожественное Твое разумев истощание / прозорливо, Аввакум, Христе, со трепетом вопияше Тебе: / во Спасение людей Твоих / спасти помазанныя Твоя пришел еси.
[Божественное Твое постигнув умаление / пророческим взором Аввакум, / с трепетом взывал Тебе, Христе: / «Для спасения народа Своего, / спасти помазанных Своих пришел Ты!»]
Я же от Мерры горчайшыя воды, / яко во образе проначертая Пречистый Крест Твой, Блаже, / греховное умерщвляющ вкушение, / древом усладил еси.
[Мерры горчайшие источники / Ты через древо сделал сладкими, Благой, / как на иконе предъизображая / Крест Твой пречистый, вкус греха уничтожающий.]
К рест за древо разумное, / за сладкую же пищу желчь, Спасе мой, приял еси, / за тление же смерти кровь Твою Божественную излиял еси.
[Крест за древо познания, / за приятную пищу – желчь / принял Ты, Спаситель мой; / а за тление смертное / кровь Свою Божественную пролил.]
С лава Отцу и Сыну и Святому Духу, и ныне и присно и во веки веков. Аминь.
К роме убо сочетания зачала еси нетленно во чреве, / и без болезни родила еси, / и по Рождестве, Дева, Бога плотию рождши, сохранилася еси.
[Вне близости супружеской / Ты непорочно зачала во чреве, / и прежде мучений родила, / и после родов, Бога плотию родив, / Девою осталась.]
Песнь 5
Ирмос: О деяйся Светом, яко ризою, / к Тебе утреннюю, и Тебе зову: / душу мою просвети омраченную, Христе, / яко Един Благоутробен.
[Облекающийся светом как одеждою! / К Тебе стремлюсь с рассвета и Тебе зову: / «Просвети душу мою омраченную, Христе, / как единый милосердный!»]
И же славы Господь в неславне зраце, / на древе обезчещен волею висит, / о божественней мне славе несказанно промышляя.
[Господь славы в бесславном виде, поруганный, / добровольно висит на Древе, / Божественную славу мне / несказанно предуготовляя.]
Т ы мя преоблекл еси в нетление, Христе, / тли смертныя неистленно плотию вкуш, / и возсияв из гроба тридневен.
[Ты облачил меня в нетление, Христе, / тления смертного нетленно / Своею плотию вкусив / и в третий день воссияв из гроба.]
С лава Отцу и Сыну и Святому Духу, и ныне и присно и во веки веков. Аминь.
Т ы правду же и избавление нам рождши Христа без семене, / свободно содеяла еси от клятвы, Богородице, естество праотца.
[Ты правду и искупление – Христа, / без семени родив нам, Богородица, / свободной от проклятия соделала / природу праотца.]
Песнь 6
Ирмос: Н еистовствующееся бурею душетленною, / Владыко Христе, страстей море укроти, / и от тли возведи мя, яко Благоутробен.
[Море, свирепствующее / страстей душегубительною бурею, / Христе Владыка, укроти / и от гибели возведи меня, / как милосердный.]
В тление поползся родоначальник, Владыко Христе, / преслушаннаго брашна вкуш, / и к животу возведен бысть страстию Твоею.
[В погибель впал наш родоначальник, / пищи ослушания вкусив, / но к жизни возведен, Христе Владыка, / страданием Твоим.]
Ж ивот низшел еси ко аду, Владыко Христе, / и тление растлевшему быв, / тлением источил еси Воскресение.
[Ты, Жизнь, дошел до ада, Христе Владыка, / и гибелью для погубившего нас соделавшись, / через тление источил воскресение.]
С лава Отцу и Сыну и Святому Духу, и ныне и присно и во веки веков. Аминь.
Д ева роди, и рождши пребысть чиста, / на руку носящаго всяческая, / яко воистинну Дева Мати понесшая.
[Дева родила и, родив, осталась чистою, / как воистину Дева-Матерь, / все Носящего на руках носившая.]
Кондак, глас 5-й
К о аду, Спасе мой, сошел еси, / и врата сокрушивый яко всесилен, / умерших, яко Создатель, совоскресил еси, / и смерти жало сокрушил еси, / и Адам от клятвы избавлен бысть, Человеколюбче; / темже вси зовем: / спаси нас, Господи.
[Во ад сошел Ты, Спаситель мой, / и врата его сокрушив, как Всемогущий, / как Творец умерших воскресил с Собою, / и жало смерти уничтожил, [Христе,] / и Адама от проклятия избавил, Человеколюбец. / Потому все мы восклицаем Тебе: / «Спаси нас, Господи!»]
Икос
У слышавша жены ангеловы глаголы, отложиша рыдание, / радостны бывша и трепетны, ужас бо видеша, / и се Христос приближися к ним, глаголя: еже, радуйтеся, / дерзайте, Аз мiра победих, и узники свободих, / потщитеся убо ко учеником, возвещающа им: / яко варяю вы во граде Галилейстем, еже проповедати. / Темже вси Тебе зовем: спаси нас, Господи.
[Жены, услышав речи Ангела, / оставили плач, радости исполнившись, / и с трепетом созерцали воскресение. / И вот, Христос приблизился к ним, / возглашая: «Радуйтесь, дерзайте! / Я мир победил и узников освободил. / Поспешите же к ученикам, возвещая им, / что Я вас предваряю в Галилее, чтоб объявить о том». / Потому все мы восклицаем Тебе: / «Спаси нас, Господи!»]
Песнь 7
Ирмос: П ревозносимый отцев Господь / пламень угаси, отроки ороси, согласно поющия: / Боже, благословен еси.
[Превозносимый отцов Господь / пламень угасил, а отроков оросил, / стройно воспевавших: / «Боже, благословен Ты!»]
П лотию обложься якоже на удице льщения, / Божественною Твоею силою змия низвлекл еси / возводя вопиющия: Боже, благословен еси.
[Облекшись плотию, как бы приманкой на крючке, / Своею Божественною силою Ты змия ниспроверг / и из ада возвел взывавших: / «Боже, благословен Ты!»]
З емли непроходное осуществовавый составление, / во гробе покрывается плотию Невместимый. / Емуже вси поем: Боже, благословен еси.
[Сотворивший неизмеримый состав земли, / во гробе скрывается по плоти, Невместимый. / Ему все мы воспеваем: / «Боже, благословен Ты!»]
С лава Отцу и Сыну и Святому Духу, и ныне и присно и во веки веков. Аминь.
Е дину убо Ипостась во Двою Естеству, Всенепорочная / родила еси Воплощеннаго Бога. / Емуже вси поем: Боже, благословен еси.
[Единую Ипостась в двух естествах / Ты родила, Всенепорочная, – / Бога воплотившегося, Которому все мы воспеваем: / «Боже, благословен Ты!»]
Песнь 8
Ирмос: Т ебе, Вседетелю, / в пещи отроцы, всемирный лик сплетше, пояху: / дела всякая, Господа пойте / и превозносите во вся веки.
[Тебе, всего Создателю, отроки в печи, / всемирное ликование составив, пели: / «Все творения, воспевайте Господа / и превозносите во все века!»]
Т ы о вольней спасительныя страсти помолился еси чаши, якоже невольней: / два хотения, двема бо по коемуждо носиши существома, Христе, во веки.
[Ты о добровольной чаше спасительного страдания, / помолился как бы о невольной; / ибо Ты имеешь две воли, Христе, / соответственно двум естествам, вовеки.]
Т воим вседетельным схождением ад, Христе, поруганный / изблева вся, яже древле лестию умерщвленныя, / Тебе превозносящия во вся веки.
[Твоим, Творец всего, сошествием осмеяннный, / ад изверг всех, / некогда обманом умерщвленных, / Тебя, Христе, превозносящих во все века.]
С лава Отцу и Сыну и Святому Духу, и ныне и присно и во веки веков. Аминь.
Т я яже паче ума / богомужне Словом Рождшую Господа, и девствующую, / вся дела, Дево, благословим, и превозносим во вся веки.
[Тебя, непостижимо для ума, / по выражению нашему богомужно, / родившую Господа и девство сохранившую, / мы и все творения благословляем, Дева, / и превозносим во все века.]
Песнь 9
Ирмос: И саие, ликуй, / Дева име во чреве / и роди Сына Еммануила, / Бога же и Человека, / Восток имя Ему, / Его же величающе, / Деву ублажаем.
[Исаия, ликуй! / Дева зачала во чреве / и родила Сына Эммануила, / Бога и человека, / Восток – имя Ему. / Его величая, мы Деву восхваляем.]
П адшаго человека восприял еси, Владыко Христе, из ложесн Девических / всему совокуплься, греху же ни единому причащься: / всего от истления Ты свободил еси пречистыми Твоими страстьми.
[Ты принял, Владыка Христе, от чрева девственного / падшего человека естество: / всецело с ним соединившись, / но не приобщившись ни единому греху, / Ты освободил всего его от тления / Своими пречистыми страданиями.]
Б оготочною кровию истощенною, Владыко Христе, / от Твоих пречистых ребр и животворящих, / жертва убо преста идольская, / вся же земля Тебе хваления жертву приносит.
[Божественной кровью, до конца излившейся / из Твоих, Владыка Христе, пречистых и животворящих ребр, / жертвы идольские прекращены, и вся земля / жертву хвалы Тебе приносит.]
С лава Отцу и Сыну и Святому Духу, и ныне и присно и во веки веков. Аминь.
Н е Бога безплотна, ниже паки человека проста / произведе Чистая Отроковица, и Нескверная: / но Человека совершенна, и неложно совершенна Бога. / Егоже величаем со Отцем же и Духом.
[Не Бога бесплотного и не простого человека / произвела чистая и священная Отроковица, / но человека совершенного / и истинного, совершенного Бога, / Которого мы величаем вместе со Отцом и Духом.]
Стихиры воскресные на хвалитех, глас 5-й:
Г осподи, запечатану гробу от беззаконников, / прошел еси из гроба, / якоже родился еси от Богородицы: / не уразумеша, како воплотился еси, безплотнии Твои ангели: / не чувствоваша, когда воскресл еси, стрегущии Тя воини. / Обоя бо запечатлестася испытующим, / явишася же чудеса кланяющимся верою таинству: / еже воспевающим, / воздаждь нам радость и велию милость.
[Господи! Хотя и опечатан был гроб Твой беззаконниками, / но Ты вышел из гробницы так, как и родился от Богородицы. / Не познали, как Ты воплотился, бесплотные Твои Ангелы; / не заметили, когда воскрес Ты, охранявшие Тебя воины. / Ведь оба эти чуда для пытливых запечатаны, / но открыты для поклоняющихся с верою этому таинству; / даруй нам, воспевающим его, / радость и великую милость.]
Г осподи, вереи вечныя сокрушив, / и узы растерзав, от гроба воскресл еси, / оставль Твоя погребальная, / во свидетельство истиннаго тридневнаго Твоего погребения: / и предварил еси в Галилеи, в пещере стрегомый. / Велия Твоя милость, Непостижиме Спасе, / помилуй и спаси нас.
[Господи! Засовы вечные сокрушив / и оковы расторгнув, Ты воскрес из гроба, / оставив Свои погребальные пелены / во свидетельство истины трехдневного погребения Твоего, / и уже готов был к встрече в Галилее, / еще в пещере воинами охраняемый. / Велика милость Твоя, / непостижимый Спаситель! Помилуй нас.]
Г осподи, жены текоша на гроб, / видети Тя, Христа, нас ради пострадавшаго, / и пришедша, обретоша ангела на камени седяща, / страхом отвальшемся, / и к ним возопи, глаголя: / воскресе Господь, рцыте учеником, / яко воскресе от мертвых, / спасаяй души наша.
[Господи! Жены поспешили к Твоему гробу, / чтобы увидеть Тебя, Христа, нас ради пострадавшего; / и, придя, нашли Ангела, сидевшего на камне, / от ужасного явления откатившемся. / И он возгласил им, говоря: «Восстал Господь; / возвестите Его ученикам, что воскрес из мертвых / Спасающий души наши!»]
С лава Отцу и Сыну и Святому Духу, и ныне и присно и во веки веков. Аминь.
П реблагословена еси, Богородице Дево, / Воплощшим бо ся из Тебе ад пленися, / Адам воззвася, / клятва потребися, / Ева свободися, / смерть умертвися, и мы ожихом. / Тем воспевающе вопием: / благословен Христос Бог, / благоволивый тако, слава Тебе.
[Преблагословенна Ты, Богородица Дева, / ибо Воплотившимся от Тебя ад пленен, / Адам из него возвращен, / проклятие лишилось силы, / Ева освобождена, смерть умерщвлена / и мы исполнились жизни. / Потому, воспевая, взываем: / «Благословен Христос Бог, так благоволивший, слава Тебе!»]
Тропарь воскресный
Д несь Спасение миру бысть, / поем Воскресшему из гроба, / и Начальнику жизни нашея: / разрушив бо смертию смерть, / победу даде нам и велию милость.
[Всей день совершилось спасение мира! / Воспоем Воскресшего из гроба / и Начальника жизни нашей, / ибо уничтожив смертию смерть, / Он дал нам победу и великую милость.]
